Gavanin Bodi Ena Memba Matamatana ta

WEDNESDAY daba, January 24, 2018 ai, United States bona Canada Betele taudia ese hahediba hereva namona ta e kamonaia: Tadikaka Kenneth Cook, Jr., na hari Iehova ena Witnes edia Gavanin Bodi memba matamatana ta.

Tadikaka Cook na south-central Pennsylvania, U.S.A. ai e vara. Haiskul amo do se lasi neganai e sikuli hebouva tauna ta ena amo hereva momokani e dibaia, bona June 7, 1980 ai e bapatiso. Ia na September 1, 1982 ai regula painia ḡaukarana e hamatamaia. Laḡani rua e painia, bena October 12, 1984 ai e boiria Betele ai baine ḡaukara, Wallkill, New York ai.

Laḡani 25 lalodiai, Tadikaka Cook na Printa gabuna ai bona Betele Ofes ai ḡaukara idauidau e kara. Laḡani 1996 ai, Jamie e adavaia, bona ia danu Wallkill Betele ai e vareai. December 2009 ai, Tadikaka Cook adavana ida na ela Watchtower Educational Center, Patterson, New York ai, bona unuseniai Tadikaka Cook ena asainmen na Writing Correspondence Department baine durua. April 2016 ai Tadikaka Cook adavana ida na ma e lou Wallkill ai bae ḡaukara, to se daudau ma e siaidia Brooklyn, New York. Hua 5 muridiai, eda hedkwota Warwick, New York ela. January 2017 ai, Tadikaka Cook na e abia hidi Gavanin Bodi ena Writing Committee baine durua.