Natu E​—Kudoumui ai E Miamu Ḡaudia Na Tamamui Sinamui Ba Hamaorolaidia

Dahaka dainai emu lalohadai na tamamu sinamu ba hamaorolaidia? (Her 23:26) Badina Iehova ese idia na maduna e henidia oi bae narimu bona bae hakaumu. (Sal 127:3, 4) To basie durumu dibamu bema o lalo badamu ḡaudia bona o lalohekwarahilaimu ḡaudia idia edia amo bo huniamu. Danu mauri ai idia ese e diba ḡaudia amo diba na basio abimu. Ena be nega haida reana basio uramu ḡau iboudiai ba herevalai, to ḡau badana na tamamu sinamu basio koidia eiava edia amo ḡau ta basio hunia.​—Her 3:32.

Edena dalai tamamu sinamu ba hereva henidia? Nega maorona ta bavabia hidi. Bema una na auka, emu hemami na revareva amo ba hadibalaidia. Bema idia na e uramu bae herevalaia ḡauna na oi ese so uramu ba herevalaia, be ede bamona? Ba helalotao idia na e uramu oi bae durumu. Ba helalotao tamamu sinamu na oi turamu, dia oi inaimu. Bema tamamu sinamu ida emui herevahereva karana bo hagoadaiamu, una ese oi be durumumu bona emu mauri na bo moalelaiamu ela bona hanaihanai!​—Her 4:10-12.

INA VIDIO BA ITAIA, EGU MATAMATA NEGANA​—EDENA DALAI TAMAGU SINAGU BAINA HEREVA HENIDIA? BENA INI HENANADAI BA HAERELAIDIA:

• 

  Esther bona Partik be sibodia ediai dahaka e lalopararalaia?

• 

  Iesu ena haheitalai amo dahaka o dibamu?

• 

  Edena dalai tamamu sinamu ese e hahedinaraia oi na e lalomu badamu?

• 

  Ededia Baibul ena hahekau herevadia ese bae durumu diba tamamu sinamu ba hereva henidia?