Mauri Ba Moalelaia Hanaihanai! Bukana amo Iehova Bona Iesu Iabidadama Henidia Karana Ba Hagoadaia

Baibul stiuden na Dirava bae hamoalea totona, edia abidadama bae hagoadaia na ḡau badana. (Heb 11:6) Unu bae kara toma totona, Mauri Ba Moalelaia Hanaihanai! bukana amo baita durudia. Ina stadi bukana ai na siri badadia, hereva anidia e hahedinarai namonamo, henanadai namodia, vidio namodia, bona laulau mai hairaidia. Stiuden ta durudiamu kara namodia bae hahedinarai bona edia hetura karana Dirava ida bae hagoadaia neganai, ita na lahi ese basine ara diba ḡaudia amo ta hagoadadiamu.​—1Ko 3:12-15.

Taunimanima haida na e laloamu asie itaia dibamu Diravana turana ai baela na auka. Una dainai, namona na baita durudia Iehova bae dibaia bona bae abidadama henia.

INA VIDIO BA HALASIA “MAURI BA MOALELAIA HANAIHANAI!” BUKANA AMO IEHOVA ENAI EMU ABIDADAMA BA HAGOADAIA, BENA INI HENANADAI BA HAERELAIDIA:

• Ede ta diba tomamu taihu na stadi totona e heḡaeḡae namonamo?

• Edena dalai ia ese e abi hidi namonamo henanadaidia haida e ḡaukaralai, stiuden baine durua Isaia 41:10, 13 baine lalopararalaia totona?

• Vidio bona Baibul siridia ese stiuden be ede e durua toma?

Taunimanima momo ese mauri idavalaina boubouna na asie lalopararalaiamu, eiava asie lalomu idia ediai una na Dirava ena harihari ḡauna. (Ga 2:20) Una dainai, namona na baita durudia Iesu ena mauri idavalaina boubouna bae abidadama henia.

INA VIDIO BA HALASIA “MAURI BA MOALELAIA HANAIHANAI!” BUKANA AMO IESU ENAI EMU ABIDADAMA BA HAGOADAIA, BENA INI HENANADAI BA HAERELAIDIA:

• Ede ta diba tomamu tadikaka na stadi totona e heḡaeḡae namonamo?

• Edena dalai ia ese “Heduru Ḡaudia Ma Haida” kahana e ḡaukaralaia stiuden baine durua?

• Dahaka dainai stiuden enai ḡuriḡuri karana na mai anina bada?