Dirava Korikorina be Daika?

Dirava korikorina na tamona, bona ladana na Iehova. (Salamo 83:18) Ia na Lauma Tauna ta; gubai e nohomu, bona basita itaia diba. Ia na ita e lalokau henidamu. Una dainai, ia na e uramu ita ese danu Ia bona taunimanima ma haida baita lalokau henidia. (Mataio 22:35-40) Ia mo sibona Herea Mikamika, bona ğau iboudiai e havaradia.

Dirava ese e havaraia lauma tauna roboana na mai ena siahu bada, bona gabeai, tanobadai, taunimanima ese ladana e hatoa Iesu Keriso. Iehova ese aneru momo e karadia danu.

Iehova ese ğau iboudiai e havaradia, guba ai . . . bona tanobada ai. Apokalupo 4:11

Iehova Dirava ese hisiu, tanobada, bona tanobada ai e nohomu ğaudia iboudiai e havaradia.​—Genese 1:1.

Ia ese Adam, tau ginigunana, na tano ğahuna amo e karaia.​—Genese 2:7.