Hereva Ma Haida

ATENDEN TAUDIA Idia ese oi be durumumu. Bema idia ese motuka bae hetu gabuna, raka gabuna, helai gabuna bona ma ḡau haida e hadibamumu neganai, mani edia hereva ba badinaia.

BAPATISO Bapatiso bae abi taudia edia helai gabudia na stage o platfom vairanai. Saturday dabai bapatiso tok do se heni lalonai, idia iboudiai unuseniai bae helai na namo. Idia ta ta ese tauel bona digudigu dabua maorona bae mailai na namo.

KONTRIBIUSIN Orea ese helai ḡaudia, sound system, bona video equipment namodia e hoi unu amo ina hebou baita moalelaia bona Iehova ida eda hetura karana baita hagoadaia. Emu kontribiusin amo ini ekspens idauidau davadia be karamu bona tanobada heḡeḡemadai ḡaukarana be duruamu. Ina hebou gabuna ai kontribiusin mauadia bo itamu, bona una maua ta ai emu moni ba udaia diba. Eiava donate.jw.org ai credit eiava debit kadi amo emu kontribiusin ba heni diba. Gavanin Bodi ese oi e tenkiu henimumu badina emu harihari ḡaudia amo Basileia ena ḡaukara idauidau o durumu.

FIRST AID Ina depatmen na emergency negadia ai mo heduru be henimu.

LOST AND FOUND Bema ḡau ta o davariamu, mani Lost and Found Department ba henia. Bema ḡau ta o haboioa, ina dipatmen ba itaia. Bema natu maraḡina ta na tamana o sinana e tahuamu, mani una natu na ina dipatmen ba laohaia. To, metau unuhetomadia basie vara totona, mani natumui na ba matadia tao, bona hanaihanai dekedekemui ai bae noho be namo.

HELAI GABUDIA Mani emui kara, ma haida edia namo danu ba lalo. Vaia emu ruma bese, varavara, motuka tamona ai o gui taudia, ruma tamona ai o noho heboumu taudia, eiava emu Baibul stadi taudia daidiai helai gabudia bavato tabe diba. To, mani emu kara ma haida bae helai sea latadiai ḡau ta basio ato kau.

VOLUNTEER SERVICE Bema oi na o uramu hebou gabuna ai ḡaukara ta ai ba heduru, mani Information and Volunteer Service Department ba itaia.