Hereva Anidia Ba Hahedinarai Namonamo

Iesu be Dahaka E Kara?

VIDIO: Iesu ese Tamada Ena Henari Dalana E Herevalaia

1. VIDIO ba itaia, eiava Mataio 6:​25-27 ba duahidia. Bena ini henanadai ba haerelaidia:

1. Iesu ese Iehova ena henari dalana be dahaka ida e haheḡereḡerea?

2. Iesu ese manu e herevalaidia neganai, dahaka dainai ḡau momo se herevalai? Dahaka dainai una na hahediba dalana namona?

Iesu Ena amo Dahaka Ta Dibamu?

2. Taunimanima ese e lalopararalaimu herevadia amo baita hadibadiamu neganai, be helalotaomu bona kudoudia be hamareremu.

Iesu Ba Tohotohoa

3. Basio hereva momo. Ena be o herevalaiamu topik-na ai ḡau momo na mai dibamu, to o stadilaiamu kahana mo ba herevalaia. Henanadai ta o henimu neganai, ba nari ela bona stiuden baine haere. Bema haerena na asi dibana eiava ena haere na dia Baibul ena hereva heḡereḡerena, henanadai ma haida ba henia baine laloparara totona. Emu stiuden ese poin badana e lalopararalaiamu neganai, ba hanai poin ma ta ba herevalaia.

4. Emu stiuden e dibadia hahediba herevadia amo ba durua hahediba matamatadia baine lalopararalaidia. Heḡereḡere, stiuden na vada mai dibana mase taudia ediai be dahaka e varamu, reana una ba herevalaia sisina murinai, toreisi lou e herevalaiamu lesen-na ba hamatamaia.

5. Haheitalai ba ḡaukaralai namonamo. Haheitalai ta do so ḡaukaralaia neganai, sibomu ba henanadai:

1. ‘Ba ḡaukaralaiamu haheitalaina be stiuden be dibamu, eiava?’

2. ‘Stiuden ese be lalopararalaiamu, eiava?’

3. ‘Stiuden be haheitalai mo be laloataomu eiava poin badana danu be laloataomu?’