E Manoka Kristen Tauna Ba Durua Diba

Tuesday, April 11 ai, manoka taudia momo na Memorial hebouna be maimu. Idia na mauri ena heau-helulu lalonai e heau to badi idauidau daidiai asie heau goadamu, unu badi haida na Return to Jehovah buklet ai e herevalai. (Heb 12:1) To, Iehova vairanai manoka taudia na mai anina bada, badina ia Natuna rarana amo e hoidia. (Ka 20:28; 1Pe 1:18, 19) Edena dalai baita durudia diba bena kongrigeisen bae lou henia?

Kongrigeisen eldadia ese manoka taudia na e tahudiamu bona e durudiamu, mamoe ireḡuna tauna ese mamoe serina amo e raka boio mamoena e tahuamu na heto. (Lu 15:4-7) Una ese Iehova ena lalokau e hahedinaraiamu. (Ie 23:3, 4) Dia elda taudia mo, to ita iboudai ese unu bamona taudia baita durudia diba. Ita ese kara namodia bona tadikakada ta lalokau henidiamu karadia ta hahedinaraiamu neganai, Iehova na e moalemu bona una na mai ena hahenamo. (Her 19:17; Ka 20:35) Una dainai, oi ese ba durua tauna ba laloa, bona ba durua haraḡa!

VIDIO LADANA, ENCOURAGE THE INACTIVE ONES BA ITAIA, BENA INI HENANADAI BA HEREVALAIDIA:

• Abbey na guna se dibaia Witnes ta e hedavari henia neganai, dahaka e kara?

• Dahaka dainai elda taudia baita hadibadia na namo, bema ta uramu manoka tauna ta baita durua?

• Abbey na nega iharuana Laura baine vadivadi henia neganai, dahaka e kara?

• Abbey ese Laura e duruava neganai, edena dalai lalo goada, haheauka, bona lalokau e hahedinarai?

• Luka 15:8-10 ai Iesu ena parabole amo dahaka ta dibamu?

• Tadikaka bona taihu ese Laura e durua dainai dahaka e vara?