“Ba Gima”

25:1-12

Ena be Iesu ese ulato 10 parabolena na horoa tadikakadia ediai e herevalaia, to Kristen taudia iboudiai ese una parabole amo diba bae abi. (w15-MO 3/15 12-16) “Taunabunai, ba gima: badina be dina bona hora na asi dibamui.” (Mt 25:13) Iesu ena parabole anina bo herevalaia dibamu, a?

• Headava matamata tauna (siri 1)​—⁠Iesu

• Mai aonegadia bona e heḡaeḡae ulatodia (siri 2)​—⁠Horoa Kristen taudia, idia na heḡaeḡae mai edia abidadama ida edia hesiai ḡaukara bae karaia bona tanobada ai diari bae halasia ela bona dokona (Fp 2:15)

• Ta e lolo, eto: “Headava matamata tauna vada e maimu” (siri 6)​—⁠Iesu ena noho eiava lohia negana e hamomokania

• Ulato kavakavadia (siri 8)​—⁠Horoa Kristen taudia, idia na Headava Matamata Tauna ihedavari henina ela to asie gima bona asie abidadama

• Aonega ulatodia na asie ura edia oela bae heni (siri 9)​—⁠Abidadama horoa taudia ese edia maka ginigabena bae abia murinai, Dirava asie badinaiamu taudia na basie durudiamu

• “Headava matamata tauna ema” (siri 10)​—⁠Iesu na hisihisi badana dokona ai bainema bona hahemaoro baine karaia

• Aonega ulatodia na headava matamata tauna ida headava ariana ai e raka vareai, bona iduara e koua ahu (siri 10)​—⁠Iesu ese abidadama horoa taudia na guba ai baine haboudia, to asi edia abidadama taudia na guba helarona basie abia