KRISTEN EDIA MAURI
Eda Hesiai Ḡaukara Baita Hanamoa Dalana—JW.ORG Iḡaukaralaina Dalana
DAHAKA DAINAI? Eda Hahediba Mauana lalonai e hahedinaraimu pablikeisen ese jw.org e herevalaiamu. Momokani, kontek kadi bona pepapepa ladana O Laloamu Henanadai Badadia Haeredia be Edeseniai? ese taunimanima e durudiamu eda websait ai bae vareai totona. Eda Hahediba Mauana ai jw.org amo pablikeisen ta ena elektronik kopi na e-mail amo ta ba siai henia diba eiava link ta ba siaia diba. Idau gado tauna ta o haroro heniamu neganai una ese baine durumu diba. Danu, taunimanima edia henanadai haida na eda pablikeisen ma haida ese e haerelaimu. Bema ita ese websait iḡaukaralaina dalana baita dibamu, eda haroro ḡaukara na baita karaia namonamomu.
BAITA KARAIA DALANA:
“BIBLE TEACHINGS” tab ba ḡaukaralaia. Bema oi na tama o sina o haroro henidiamu bona idia na e uramu natudia bae durua ḡaudia haida bae diba. Baola kaha ladana BIBLE TEACHINGS > MARRIAGE & FAMILY.
“PUBLICATIONS” tab ba ḡaukaralaia. Bema oi na sikuli ai emu klas tauna ta ba haroro henia bona o uramu buklet ladana Answers to 10 Questions Young People Ask ba hariharilaia. Baola kaha ladana PUBLICATIONS > BOOKS & BROCHURES.
“ABOUT US” tab ba ḡaukaralaia. Bema oi na o ḡaukara heboumu tauna ta o haroro heniamu bona ia na e uramu eda abidadama badina baine diba. Baola kaha ladana ABOUT US > FREQUENTLY ASKED QUESTIONS.
VIDIO LADANA JW.ORG IḠAUKARALAINA DALANA BA ITAIA, BENA WEBSAIT AMO INI TAUNIMANIMA BA DURUDIA DALADIA BA LALO:
Dirava na lasi lalohadaina e abia daemu tauna (atheist)
vanegai mo enai metau badana ta e vara tauna ta
e manoka tadikakana o taihuna
lou henia ta, ia na e uramu baine diba orea ese moni amo eda ḡaukara be ede e durua tomamu
dau tano tauna ta, ia na e uramu baine diba edena dala ai ena hanua ai e karamu heboudia bainela