Baita Nari mai Haheaukada Ida

Oi be Dirava ena Basileia bainema negana doini o nariamu, a? Ina nega dikadia lalodiai doini o haheaukamu, a? (Ro 8:25) Kristen taudia haida na daḡedaḡe e davarimu, e hahisidiamu, e hadiburadiamu, eiava e hamasediamu danu. Ma haida be e goreremu eiava e burukamu.

Hahetoho lalodiai, dahaka ese baine duruda baita nari totona? Eda abidadama baita hagoadaia totona, dina ta ta ai Baibul baita duahia bona baita haeroa. Eda helaro baita raraia na namo. (2Ko 4:16-18; Heb 12:2) Namona na Iehova baita ḡuriḡuri henia, baita noia iena lauma helaḡa goadana baine henida totona. (Lu 11:10, 13; Heb 5:7) Tamada lalokauna ese baine duruda diba ‘baita haheauka bona baita boga auka mai moaleda ida’​—Kol. 1:11.

VIDIO LADANA NAMONA NA “BAITA HEAU MAI HAHEAUKADA IDA”​—TA DIBAMU AHUDA NA BAITA ABIAMU, BA ITAIA BENA INI HENANADAI BA HAERELAI:

• 

  Mauri lalonai bae “vara kava” ḡaudia haida be dahaka? (Koh 9:11)

• 

  Hahetoho negadiai baita ḡuriḡuri ena namo be dahaka?

• 

  Ena be hari Iehova ena hesiai ḡaukara haida mo ta karamu dia guna heḡereḡerena, to dahaka dainai baita kara diba ḡaudia mo baita lalo na namo?

• 

  Dahaka ese baine durumu bena bavabia dae momokani ahumu na bo abiamu?