Dina Ginigabedia Lalodiai Baita Gini Goada

BADINA BE DAHAKA? Kara badadia haida na kahirakahira be varamu daidiai, namona na baita gini goada bona Iehova enai baita tabekau hanaihanai. Hisihisi bada hereana matamana kahana ai, gavamani ese tomadiho koikoi be haorea vaitanimu. (Mt 24:21; Apok 17:16, 17) Una negai, readia ita ese taunimanima ihahemaoro henidia sivaraina baita harorolaiamu. (Apok 16:21) Gog, Magog amo, ese ita be tuari henidamu. (Ese 38:10-12, 14-16) Iehova na ena taunimanima ihamauridia totona, ia ese “siahu idoinai Diravana ena dina badana tuarina” be havaraiamu. (Apok 16:14, 16) Vaira negadia ai unu ḡau be varamu daidiai, namona na harihari iseda gini goada karana baita manadalaia.

EDE BAITA KARAIA TOMA:

• Iehova ena taravatu baita badinadia goadagoada bona ma haida baita hahedibalaidia.​—Isa 5:20

• Nega iboudiai iseda tadikaka taihu ida Dirava baita tomadiho henia hebou.​—Heb 10:24, 25

• Nega iboudiai baita gini heḡaeḡae, unu amo Iehova ena orea amo e maimu hahekau herevadia baita badinadia.​—Heb 13:17

• Guna negadiai Iehova ese ena taunimanima e hamauridia daladia ba lalohadailai.​—2Pe 2:9

• Iehova ba ḡuriḡuri henia, bona ienai ba tabekau.​—Sa 112:7, 8

BA ITAIA VIDIO LADANA NA, VAIRAI BAE VARA ḠAUDIA DAIDIAI BAITA GOADA NA NAMO​—KAHA KWADOḠINA, BENA INI HENANADAI BA HAERELAI:

• 

  Kongrigeisin gunana na kongrigeisin matamatana ida e hatamonadia neganai, una ese kongrigeisin gunana ena pablisa taudia edia kamonai karana be ede e tohoa toma?

• 

  Iseda kamonai karana amo iseda gini goada karana be ede baita ha-aukaia toma?

• 

  Aramagedono baine kau neganai, dahaka dainai baita gini goada na mai anina bada?

• 

  Ededia Baibul sivaraidia ese ita bae duruda toma, unu amo nega iboudiai Iehova ena hahemauri siahuna baita abidadama henia? ​—2Si 20:1-24