KRISTEN EDIA MAURI
Dirava Ena Lalohadai Ba Tahua
Ita na ta uramu ta karamu ḡaudia iboudiai lalodiai Iehova baita hamoalea. (Her 27:11) Unu baita kara toma totona, namona na Iehova ena lalohadai heḡereḡerenai abi hidi baita kara ena be baita badinaia taravatuna ta na lasi. Dahaka ese baine duruda diba unu baita kara toma totona?
Baibul istadilaina karana na ba karaia hanaihanai. Baibul ta duahimu negadia ta ta ai, ita na vaitani nega ta atomu Iehova ta dibaiamu. Iehova ena lalohadai dalana na baita dibaiamu bema Ia ese ena taunimanima e kara henidia dalana bona ia vairanai kara namodia bona kara dikadia e kara taudia edia haheitalai baita lalodia dobumu. Abi hidi ta ta uramu baita kara neganai, lauma helaḡa ese be duruda dibamu Dirava ena Hereva amo ta dibamu mai anidia bada ḡaudia bona hahekau herevadia baita lalodia taomu.—Ioa 14:26.
Hetahu ḡaukarana ba karaia. Abi hidi ta o uramu ba karaia neganai, sibomu ba henanadai, ‘Baibul ai ededia siri o sivarai ese be durugumu baina laloparara Iehova ese una abi hidi be ede e laloa tomamu?’ Iehova ena heduru totona ba ḡuriḡuri, bona emu gado ai e halasi research tuludia ba ḡaukaralai unu ese be durumumu Baibul ena hahekau herevadia ba davari bona ba badina totona.—Sal 25:4.
INA VIDIO BA HALASIA “BAITA HEAU MAI HAHEAUKADA IDA”—ANIANI NAMODIA BAITA ANI, BENA INI HENANADAI BA HAERELAIDIA:
Vidio ai taihu matamatana be dahaka hahetoho e davari?
Oi ese research tuludia be ede ba ḡaukaralai toma bae durumu hahetoho unu bamodia ba hanaidia?
Nega baita atomu hetahu karana bona siboda eda stadi baita karamu neganai edena dala ai be durudamu abi hidi maorodia baita karamu?—Heb 5:13, 14