Memorial Negana Totona Plen Ba Kara

Laḡani ta ta, Iehova ena taunimanima na e moalemu Memorial hebouna bae karaia. Memorial negana e lao heniamu bona Memorial murinai, ita na ḡau haida ta karamu Iehova baita hanamoa bona baita tenkiu henia ena harihari ḡauna mauri davana e heni dainai. (Efe 1:3, 7) Heḡereḡere, ta ḡaukara goadamu haida ta vavediamu Memorial baema. Haida na ḡau haida e haidaumu March o April huadiai bae heduru painia diba, unu amo hora 30 o 50 bae haḡuḡuru. O uramu Memorial negana lalonai emu haroro ḡaukara ba habadaia, a? Dahaka ese baine durumu diba unu ba kara toma totona?

Nega badana ai baita plenimu neganai, ḡau momo baita haḡuḡuru dibamu. (Her 21:5) Memorial negana na e kahikahimu dainai, hari na nega namona plen baita kara. Memorial negana lalonai emu haroro ḡaukara ba habadaia daladia ba lalo, bona emu tahua ḡaudia ba haḡuḡurudia totona ba kara ḡaudia ba haero. Bena Iehova ba noia emu hekwarahi baine hanamoa.​—1Io 5:14, 15.

O laloamu Memorial neganai ededia dala ma haida ai emu haroro ḡaukara ba habadaia diba?