Maoro Bona Kerere: Ede Baita Diba Toma?

Bema oi na o uramu asi dibamu gabuna ta baola, oi be dahaka bo karamu?

1. 1. Sibomu ese bavabia hidi dalana ta ba badinaia kava.

2. 2. Haida ba badinadia, badina o laloamu idia na dala mai dibadia.

3. 3. Heduru maorona ba tahua, heḡereḡere GPS, mapu ta, eiava gabu mai dibana tauna ta ba badinaia.

Bema lalohadai ginigunana eiava iharuana baita abia hidimu, gabu ta baita laomu, to dia ita ta uramu gabuna. To bema lalohadai ihatoina baita abia hidimu, momokani vaitani, ta uramu baitala gabuna na baita davariamu.

Eda mauri na laolao ta na heto, ta uramu una dala baita badinaia bona dokonai baita moale. Ede amo heduru ta tahumu ese be hahedinaraiamu ta uramu baitala gabuna ai baita ginidaemu eiava lasi.

Ta karamu abi hidi haida na nega kwadoḡina totona, a haida be nega daudau totona bona mai anidia bada dainai, baita lalodia namonamo badina una ese eda mauri baine haidaua diba. Eda abi hidi amo baita hahedinaraiamu kara ḡoeva taravatudia be ede ta lalodia tomamu, bona ta abi hidi maoromu eiava ta abi hidi kereremu. Unu abi hidi ese ita bona ta lalokau henidiamu taudia ediai namo eiava dika nega daudau lalonai be havaraiamu. Abi hidi haida bini:

• Mahuta hebou bona headava

• Kara momokani, ḡaukara, bona moni

• Natu inaridia karana

• Haida ikara henidia dalana

Ede ba diba toma emu abi hidi ese oi bona emu famili be durumuimu vaira neganai ba moale?

Ita ta ta ese baita laloa henanadaina na ina: Dahaka ese baine durugu mauri ena kara ḡoeva taravatudia ai abi hidi maorodia baina kara?

Ina magasin ese be hahedinaraiamu, dahaka dainai Baibul ena hereva baita abidadama henia diba bona edena dala ai oi baine durumu diba.