Poin Badadia Ba Riviulai

Nega haida o hekwarahimu o stadilaiamu ḡauna ba laloatao, a? Ita iboudai edai una na e varamu. Dahaka ese baine durumu? Poin badadia ba lalodia lou.

O stadimu lalonai pada ta ta ai ba laḡa-ani bona poin badadia ba haero. Aposetolo Paulo ese tadikaka taihu e hagoadadia ena revareva bae stadilaia neganai unu bae kara toma. Ia na e gwa: “Ame gwaurai herevadia anidia bini.” (Heb. 8:1) Unu amo e durudia ena hereva anina bona hereva ta ta ese poin badana e hahedinaraia dalana bae lalopararalaia.

Emu stadi dokonai miniti ten lalonai poin badadia ba lalodia lou. To bema so lalodia taomu, namona na sinado maraḡidia eiava paragraf ta ta edia hematama herevadia ba duahi unu amo o stadilaia ḡauna na bo laloataomu. Bema ḡau matamatana ta o dibaia, sibomu emu hereva dalana ai ba herevalaia. Oibe poin badadia bo riviulaimu neganai, bo lalodia taomu bona emu mauri ai oi be durumumu daladia bo lalopararalaimu.