Abidadama Taudia ese Edia Gwauhamata E Badinamu

Hahemaoro Taudia 11:​30-40 ba duahidia Iefeta bona natuna kekenina edia sivarai amo, gwauhamata ibadinana karana baita dibaiamu.

Sivarai ba haeroa. Abidadama Israel taudia ese edia gwauhamata Iehova enai be ede e laloa tomava? (Num. 30:2) Iefeta bona natuna kekenina be edena dala ai e hahedinaraia Iehova e abidadama henia?—Hah. 11:​9-11, 19-24, 36.

Ba hetahulaia namonamo. Iefeta na e gwa: “Egu ruma iduarana amo dekegu baine raka lasi guna [tauna] na . . . ḡole-oho boubouna ai baina halaoa.” Iena hereva anina be dahaka? (w16.04-MO rau 7 par. 12) Iefeta bona natuna kekenina be dahaka e dadarai edia gwauhamata bae haḡuḡurua totona? (w16.04-MO rau 7-8 par. 14-16) Hari ina nega ai Kristen taudia ese bae kara mai anidia bada gwauhamatadia be dahaka?—w17.04 rau 5-8 par. 10-19.

Oi o dibamu ḡaudia ba lalodia. Sibomu ba henanadai:

• ‘Dahaka ese baine durugu diba Iehova ida na karaia gwauhamatana baina badinaia?’ (w20.03 rau 13 par. 20)

• ‘Dahaka baina dadarai unu amo Iehova ihesiai henina karana baina habadaia?’

• ‘Edena dala ai adavagu ida a karaia gwauhamatana baina badinaia?’ (Mat. 19:​5, 6; Efe. 5:​28-33)