Oi O Diba Ḡaudia Ba Herevalai

Ita ese Baibul ta stadilaiamu neganai, eda hemami na e namomu. Danu, unu stadi ai ta dibamu ḡaudia na ma haida ediai ta herevalaimu neganai, eda hemami na e namo hereamu. Proveb 11:25 na etomu: “E dairi-dairimu tauna na bae dairia.”

Bema ita ese ta diba ḡaudia na ma haida ediai baita herevalaimu, una ese ita na be durudamu point namodia momo baita lalo taomu bona eda laloparara na be badamu. Bona unu point namodia ese ma haida na be durudia dibamu dainai, ita na ta moalemu idia ediai unu baita gwaurai.—Apos. 20:35.

Mani ina ba tohoa: Vaira wikina ai, o diba ḡaudia na ma ta enai ba herevalai. Reana emu ruma tauna ta, emu kongrigeisin tauna ta, o ḡaukara heboumu tauna ta, skul turana ta, dekemu tauna ta, eiava haroro ḡaukara lalonai o davaria tauna ta enai ba herevalaia diba. Ba hekwarahi o diba ḡaudia na ba hamanokadia bona ba hahedinaraidia namonamo.

Ina ba laloatao: Oi o diba ḡaudia na ma haida ihagoadadia dainai ba herevalai, to dia idia ese oi bae heaḡilaimu.—1 Ko. 8:1.