Hariharibada Tauna Na Bae Hanamoa

IDAUNEGA amo boubou karana na tomadiho momokani kahana badana ta. Israel taudia ese animal e bouboulaiva, bona Kristen taudia ese hanaihanai Dirava ‘iheatolaina na edia boubou ḡauna ai e halaoa.’ To, Dirava ese boubou ḡaudia ma haida danu e moalelaimu. (Heb. 13:15, 16) Unu boubou ḡaudia ese moale bona hahenamo e mailaimu, ini haheitalai ese e hahedinaraimu heḡereḡerena.

Abidadama hahinena Hana na e ura dikadikava natuna ta baine havaraia, to ia na gabani. Ḡuriḡuri ai Iehova e gwauhamata henia bema natuna ta baine havaraia, ia ese “Iehova ma [baine] henia lou, ena mauri dinadia iboudiai.” (1 Sam. 1:10, 11) Gabeai, Hana na e rogorogo bona natuna ta e havaraia, ladana na Samuel. Samuel na rata e rakatania murinai, Hana ese dubu helaḡa e laohaia, ena gwauhamata heḡereḡerena. Hana na mai ena ura ida boubou ḡauna e heni dainai Iehova ese e hanamoa. Hana ese natuna 5 ma e havara, bona Samuel na peroveta bona Baibul itorena tauna ta ai ela.—⁠1 Sam. 2:21.

Hana bona Samuel heḡereḡeredia, hari ina negai Kristen taudia na edia mauri ibounai lalonai Ihavarada Tauna e hesiai heniamu. Iesu na e gwauhamata Iehova itomadiho henina totona ta henimu boubou ḡaudia na baine hanamodiamu.—⁠Mar. 10:28-30.

Kristen taudia ginigunadia edia negai, momo na mai dibadia Kristen hahinena ta, Doreka, na “kara namodia bona hebogahisi karadia” e hahedinaraiva, unu amo ma haida baine durudia. To madi “e gorerea, bona e mase” neganai kongrigeisen taudia iboudiai na e lalohisihisi. Hahediba taudia e kamonai Petro na una gabu ai neganai, hereva e siai bainela haraḡa. Petro ese Doreka e hatorea isi lou neganai, iboudiai na e moale dikadika. Una na nega ginigunana aposetolo tauna ta ese ta e hatorea isi lou. (Kara 9:36-41) Dirava ese Doreka ena kara namodia na se laloboio. (Heb. 6:10) Iena hariharibada sivaraina na Baibul ai e torea ita ese baita tohotohoa totona.

Danu aposetolo Paulo na ena nega e heni bona ma haida e durudia karana amo haheitalai namona e hahedinaraia. Paulo ese Korinto Kongrigeisen e tore henidia neganai, eto: “Lau na mai moalegu ida egu kohu baina ha-ore bona tau-anigu danu baina ha-orea, umui laumamui daidiai.” (2 Kor. 12:15) Paulo na e diba bema ta na ma haida idurudia totona ena nega baine heni neganai baine moale diba, bona Iehova ena hahenamo bona lalonamo baine abi.—⁠Kara 20:24, 35.

Una ese e hahedinaraiamu, Basileia ḡaukaradia bona tadikakada idurudia karana ai eda nega bona goada ta ḡaukaralaimu neganai, Iehova na e moalemu. To dala ma haida ai Basileia iharorolaina ḡaukarana baita durua diba, a? Oibe! Eda lalokau baita hahedinaraia dalana ta na, eda kontribiusen amo Dirava baita hanamoa diba. Unu kontribiusen ese tanobada heḡeḡemadai haroro ḡaukarana, misinari bona ful-taim hesiai taudia danu e durudiamu. Bona eda kontribiusen ese pablikeisen bona vidio ihahanaidia ḡaukarana e duruamu, disasta negadiai heduru e henimu, bona Kingdom Hall matamatadia ihaginidia ḡaukarana e duruamu. Ta diba momokanimu, Dirava ese hariharibada tauna na e hanamoamu. Danu, eda ḡau namodia Iehova ta heniamu neganai, ia ta hanamoamu.—⁠Her. 3:9; 22:9, NWT.

Haida Ese Tanobada Ibounai Ḡaukarana E Duruamu Daladia

Aposetolo Paulo ena nega heḡereḡerena, hari ina negai momo na edia moni ‘taidia e ato tabemu’ eiava e haboumu, bona kongrigeisen ai kontribiusen mauana ladana “Tanobada Ibounai Ḡaukarana” lalonai e udamu. (1 Kor. 16:2) Hua ta ta ai, kongrigeisen ese unu kontribiusen na edia tano ai Iehova ena Witnes edia brens ofesi e siai laomu. Oi danu unu bamona ba kara diba, emu tano ai Iehova ena Witnes ese e ḡaukaralaiamu ofesina ta ai emu moni ba siaia diba. Una ofesi ladana ba diba totona, mani emu kara emu tano ai Iehova ena Witnes edia brens ofesi ba tore henia. Edia adres na www.pr2711.com ai ba davaria diba. Ba siai diba harihari ḡaudia haida bini:

OUTRIGHT DONATIONS

Kompiuta, debit card, credit card eiava mobael fon amo emu moni ba siai diba. Brens haida ai, jw.org eiava e abia hidi websait ma ta amo moni ba siai diba.
Moni, jewelry eiava dava bada ḡaudia ma haida ba siai diba. Bona revareva ta amo ba hahedinaraia unu moni eiava kohu na o henimu emu harihari ḡauna (outright donation).

CONDITIONAL DONATION ARRANGEMENT

Kontribiusen monina ba heni diba to gabeai o ura heniamu neganai bavabia lou diba.
Revareva ta amo ba hahedinaraia una moni na gabeai o ura heniamu neganai bavabia lou (conditional donation).

CHARITABLE PLANNING

Dala ma haida amo tanobada heḡeḡemadai Basileia ḡaukarana ba durua diba. Unu dala haida na henuai e hetore. Herevana edena dala ai o uramu emu kontribiusen ba heni, to namona na emu tano ai brens ofesi ba nanadaia guna edena dala be maoro emu kontribiusen ba heni totona. Tano ta ta edia taravatu bona tax taravatudia na idauidau dainai, ḡau badana na unu taravatu mai dibadia namonamo taudia edia heduru ba tahu guna, gabeai dala maorona amo emu harihari ḡauna ba siaia.

Insurance and Retirement Plans: Bema ta na e uramu ena life insurance monina eiava ena doko monina o pension monina na baine heni ena harihari ḡauna, IBSA ladana baine torea diba.

Bank Accounts: Bema ta na mai ena banka akaun, dala baine karaia diba ena moni na ia e maurimu lalonai IBSA ese bae ḡaukaralaia diba, eiava ia baine mase murinai ena moni na IBSA ese bae abia diba.

Stocks and Bonds: Ta ese ena stock bona bond monidia na IBSA baine henia diba ena harihari ḡauna eiava revareva ta amo baine hamomokani, ia baine mase neganai unu moni na IBSA ese baine abia.

Real Estate: Bema ta na ena ruma o tano e uramu baine hoihoilaia, IBSA baine henia diba ena harihari ḡauna, eiava ena ruma o tano baine noholaia ela bona baine mase neganai, IBSA ese baine abidia diba.

Wills and Trusts: Bema ta na e uramu ena kohu o moni na ia baine mase neganai IBSA ese bae abia, loea ta dekena bainela bona will pepana ai ena ura na baine torea hedinarai, eiava trust agreement pepana ai IBSA ladana baine torea. Unu dala rua ai tax na basie kokimu.

Ina hereva “charitable planning” ese e hahedinaraiamu, harihari ḡaudia unu bamodia e uramu baine heni tauna na baine palani namonamo. Iehova ena Witnes taudia edia tanobada heḡeḡemadai ḡaukarana e uramu bae durua taudia na ina buklet ladana Charitable Planning to Benefit Kingdom Service Worldwide amo diba ma haida bae abi. Una buklet na, English bona Spanish gado ai e hahanaia, bona ia lalonai na hari eiava gabeai harihari ḡaudia ba heni daladia idauidau e herevalai. Ina buklet ai e herevalai ḡaudia haida na reana emu tano ai na asie badinamu badina emu tano ena tax taravatudia eiava taravatu ma haida na idau. Momo na ataiai e herevalai daladia amo tanobada heḡeḡemadai ḡaukarana e duruamu bona tax momo asie henimu. Bema emu tano ai una buklet na mia, kongrigeisen ena seketere amo kope ta ba noia diba.

Diba ma haida bavabi totona, jw.org websait baola bona ina link “Make a Donation to Our Worldwide Work” bavabia hidi, eiava brens ofesi ba tore henia.