STADI 7

Evidens Maorodia Bona Momokanidia

Luka 1:3

LALOHADAI BADANA: Evidens momokanidia amo kamonai taudia ba durudia lalohadai maorona bae abia totona.

Ripot momokanidia ba hahedibalai. Baibul amo emu hereva ba hamomokanidia; ba duahia hedinarai be namo. Saiens taudia ese edia research ai e davaria ḡauna ta, eiava nius o reidio o intanet ai o kamonai ripot ta eiava ekspiriens ta do asio ḡaukaralaia lalonai, namona na ba seke guna, evidens iboudiai na mamaoro-mamaoro bona momomo-kakani.
Baibul bona ripot ma haida ba ḡaukaralaidia namonamo. Siri ta baita badinaia totona, Iehova na e uramu una siri amo baita hahedibalaia ḡauna baita lalopararalaia guna na namo. Danu, Baibul ese una e herevalaiamu dalana bona “hesiai tauna mai ena kamonai bona mai ena kara maoromaoro” ena pablikeisen edia hereva ida bae heḡereḡere na namo. (Mat. 24:45) Buka haida edia research eiava reidio o intanet ena ripot ta ḡaukaralaimu negadiai, namona na una infomeisin na toretore tauna (writer) ena lalohadai ese bae sapotia danu.

Ḡau momokanidia bona namba na basio haidaudia kava. Namona na “taunimanima haida” na “taunimanima iboudiai” basio halaodia, eiava “nega haida” na “nega iboudiai” basio halaodia, bona “reana baine vara” na “baine vara momokani” ai basio halaoa.
Evidens ba herevalai namonamo. Siri ta eiava o kamonaia ripotina ta o duahiamu murinai, kamonai taudia ba durudia bae lalopararalaia ḡauna na ina infomeisin na momokani bona idia baine durudia. Henanadai amo ba durudia point bae itaia totona. Haheitalai amo ba durudia topik bae lalopararalaia totona.