Mauri Bona Hesiai Ḡaukara Hebou Pepana Ena Referens
© 2025 Watch Tower Bible and Tract Society of Pennsylvania
JULY 7-13
DIRAVA ENA HEREVA ENA NAMO HEREVA LADA-ISIDIA 21
Headava Ba Moalelaia Daladia Haida
Hebamo Namona ese Iehova Ladana Baine Hanamoa Dalana
O laloamu ede daudauna ba hebamo? Nega momo disisen ta kara haraḡamu neganai anidia na se ḡuḡurumu. (Her. 21:5) Una dainai emui hebamo negana na baine daudau, unu amo ba hediba heheni namonamo. To, emui hebamo negana na basio halataia kava. Baibul danu e gwaumu: “Helaro mai halahena ese lalohisihisi e havaraiamu.” (Her. 13:12) Bema bo loa hebou hanaihanaimu, emui ai na be aukamu mahuta hebou urana ba dadaraia. (1 Kor. 7:9) Una dainai bema umui na do hebamo daudau, sibomu ba henanadai diba, ‘Lau ese turagu be doini baina dibaia, unu amo abi hidi maorona baina karaia, a?’
Basio Hekokoroku, A Lalomui Bae Manau
3 Iehova na e uramu headava taudia na bae moale. To idia na dia ḡoevadae dainai ḡau haida na basie lalotamonalaimu. Momokani, Paulo na e gwa headava taudia na hekwakwanai haida be davarimu. (1 Kor. 7:28) Haida na nega momo adavadia ida e heaimu, bona e laloamu reana matamanai basiema headava na namo. Bema tanobada ena lalohadai be badinaiamu, be laloamu bae divos na namo. Bona be laloamu, ḡau badana na sibodia edia ura bae ato guna.
4 Headava baine dika lalohadaidia baita dadarai na namo. Baita helalotao, Baibul na e gwaumu badi tamona na matabodaḡa karana dainai ta na adavana ida bae divos diba. (Mat. 5:32) Paulo ena hereva heḡereḡerena, headava taudia ese hekwakwanai na be davarimu, to unu hekwakwanai e varamu neganai, siboda eda namo basita lalo bena baitato: ‘Adavagu ese lau e lalogumu, eiava? Adavagu ese lau e lalokau henigumu, eiava? Bema ta ma ba adavaiamu lau be hamoalegumu, eiava?’ Bema unu baita lalo tomamu, ita na siboda eda namo ta lalomu, to adavada edia namo na asita lalomu. Ina tanobada aonegana ese be dorimumu emu ura ba badinaia bona oi e hamoalemumu ḡaudia ba kara, ena be una ese emu headava na be hadikaiamu. Baibul na e gwaumu, “ta ta ena namo ena namo basio tahu, a bamomui edia namo ba tahu.” (Fili. 2:4) Iehova na e uramu emui headava na baine noho hanaihanai, to se uramu ba divos. (Mat. 19:6) Ia na e uramu ia bavatoa guna, dia oi sibomu.
5 Namona na tau bona hahine na bae helalokau heheni bona bae hemataurai heheni. (Efeso 5:33 ba duahia.) Baibul ese e hadibadamu, ḡau ihenina karana baita laloa bada, to dia ḡau iabina karana. (Apos. 20:35) Edena kara ese headava tau bona hahine baine durudia lalokau bona hemataurai bae hahedinarai? Una na manau karana. E manaumu headava taudia na sibodia edia namo asie tahumu, to ‘dekena tauna ena namo danu e tahuamu.’—1 Kor. 10:24.
w06-MO 9/15 rau 12 par. 13
“Oiemu Matamata Negana ai Oi Adavaia Hahine Oi Moalelaia”
13 To, bema headava taudia be ta ta idia kara henia namonamo lasi dainai, hekwakwanai idia vara, dahaka idia karaia be namo? Namona be idia hekwarahi unai hekwakwanai idia hamaoromaoroa totona. Reana, edia headava lalonai nega ibounai ta ta idia hereva dika henia karana be ia bada ia lao noho. (Aonega Herevadia 12:18) Pura gunana ena stadi amo ita itaia, unai ese headava ia hadikaia diba. Baibel ena aonega herevana ta ia gwau: “Taunimanima idia noho lasi tano dekenai, do oi noho be namo, to ia hereva momo bona ia maumau noho hahine, danu do oi noho be dika.” (Aonega Herevadia 21:19) Bema oi be hahine, bona emu headava maurina be unai bamona, sibona oi nanadaia: ‘Lau badu momo dainai, egu tau ia ura lasi lau danu ia noho, a?’ Baibel ese headava tatau ia hamaorodia: “Tatau e, emui adavana do umui lalokau henia, idia do umui dagedage henia lasi.” (Kolose 3:19) Bema oi be tau, oi sibona oi nanadaia: ‘Egu hahine dekenai lalokau bona kara namodia lau hahedinaraia lasi dainai, egu hahine be tau matamata ia tahua, a?’ To, namo lasi ta ia laloa ena adavana be unai bamona dainai, heudahanai karana ia karaia be maoro. Lasi, to heudahanai karana ia vara diba dainai, emui hekwakwanai be mai laloa kehoa ida umui herevalaia be gau badana.
Dirava Ena Hereva Ba Tahua Namonamo
Ita ese “Hebogahisi-Bada Diravana” Ta Hesiai Heniamu
16 Kristen taudia iboudiai na e uramu Iehova ena hebogahisi karana bae tohotohoa. Dahaka dainai? Badi ta na, haida ediai hebogahisi karana asie uramu bae hahedinaraia taudia na Iehova ese basine kamonai henidiamu. (Hereva Lada-isidia 21:13 ba duahia.) Ita ta asita uramu Iehova ese eda ḡuriḡuri basine kamonai, una dainai namona na taunimanima na basita kara auka henidia. Dia namo e hisihisimu Kristen tauna baita dadaraia, to namona na hanaihanai baita noho heḡaeḡae e lalometaumu taudia edia “taitai” baita hakala. Una heḡereḡerena, namona na ina sisiba na baita laloa bada: “Asi ena hebogahisi tauna enai hahemaoro na asi ena hebogahisi.” (Iak. 2:13) Bema baita helalotaomu ita danu hebogahisi karana baita abia na namo, una ese be durudamu ma haida ediai hebogahisi karana baita hahedinaraia. Hebogahisi karana baita hahedinaraia na ḡau badana bema helalo-kerehai tauna na kongrigeisin e lou heniamu.
JULY 14-20
DIRAVA ENA HEREVA ENA NAMO HEREVA LADA-ISIDIA 22
Natu Inaridia ai Hahekau Herevadia Haida
Natumu be Badamu Neganai Dirava be Hesiai Heniamu, A?
7 Bema headava taudia e uramu natudia bae havara, namona na sibodia bae henanadai: ‘Ai be Iosef bona Maria a tohotohodiamu, heḡereḡere a manaumu, Iehova a lalokau heniamu, bona ena Hereva a ura heniamu dainai, Dirava ese e abimai hidimu beibi ta baia naria, a?’ (Sal. 127:3, 4) Eiava tama o sina na sibona ini baine henanadai toma: ‘Lau ese natugu na hadibaiamu baine ḡaukara goada totona, a?’ (Koh. 3:12, 13) ‘Satana ena tanobada ai, natugu ese tauanina basine hadikaia bona kara dikana ta basine karaia totona, lau ese natugu be na gimaiamu, a?’ (Her. 22:3) Vaia, hekwakwanai momo lalodiai natumu na basio gimaia dibamu. Momokani, una na auka. To, hanaihanai mai lalokaumu ida natumu ba durua baine heḡaeḡae, heḡereḡere ba hadibaia edena dalai hekwakwanai lalonai Baibul ena heduru baine tahua. (Hereva Lada-isidia 2:1-6 ba duahi.) Ina haheitalai a laloa: Bema varavaramu ta ese tomadiho koikoi e abia hidimu, namona na Baibul amo natumu ba hadibaia dahaka dainai ia ese Iehova baine badinaia na ḡau badana. (Sal. 31:23) Eiava bema oi ese o lalokau heniamu tauna ta e masemu, namona na Baibul siridia amo natumu ba durua lalohisihisi baine haheaukalaia bona baine lalomaino.—2 Kor. 1:3, 4; 2 Tim. 3:16.
Tama Sina—Natumui Ba Hadibadia Iehova Bae Lalokau Henia
17 Natu na maraḡidiai ba hadibadia. Tama sina na unu be kara tomamu neganai, natudia edia mauri na be namomu. (Her. 22:6) Timoteo mani aita laloa, ia e bada neganai, aposetolo Paulo ida misinari ḡaukarana e karaia. Ia do maraḡinai, sinana Eunike bona tubuna hahinena Loi ese e hadibaia.—2 Tim. 1:5; 3:15.
18 Côte d’Ivoire ai e nohomu headava tauna ta bona adavana, Jean-Claude bona Peace ese natudia siks e hadibadia Iehova bae lalokau henia bona bae hesiai henia. Dahaka ese e durudia? Idia ese Eunike bona Loi edia haheitalai e tohotohoa. Idia na e gwa: “Natumai na do mamaraḡi neganai, ai ese Dirava ena Hereva a hadibalaidia.”—Deu. 6:6, 7.
19 Iehova ena Hereva na natumui ba “hadibalaidia” anina be dahaka? Anina na ba hadibadia bona ba hahelalodia tao loulou. Unu bae kara toma totona, tama sina na nega bae ato natudia bae bamodia. Nega haida tama sina na be lalohisihisimu badina ḡau tamona na natudia be hadibalaidia louloumu. To tama sina na bae diba, una dala amo idia ese natudia na be durudiamu Dirava ena Hereva bae lalopararalaia bona bae badinaia.
cl-MO rau 100-101 par. 10
Siahu Gaukaralaia Neganai “Dirava Umui Tohotohoa”
10 Dirava ese tama sina dekenai siahu ia henia danu. Baibel ia gwau: “Tamadia e, emui natudia do umui habadua lasi, to idia tubu noho lalonai, Iehova ena matahakani bona sisiba amo idia umui hadibaia be namo.” (Efeso 6:4) Baibel lalonai, inai hereva “matahakani” ena anina be natuna “hadibaia bona hamaoromaoroa.” Natudia ese matahakani idia abia be namo; do idia tubu namonamo bema hakaua hereva maoromaorodia bona taravatu henunai idia noho. Baibel ese unai bamona matahakani karana, eiava sisiba be lalokau ida ia gwauraia hebou. (Aonega Herevadia 13:24) Unai dainai, namo lasi tama sina be mai dagedage ida “matahakani auna” idia gaukaralaia natudia edia lalona idia hahisia, eiava idia botaia totona. (Aonega Herevadia 22:15; 29:15) Bema tama sina be lalokau lasi to mai badu ida matahakani aukana idia henia, natuna ena lalona idia hahisia bada diba. Edia siahu idia gaukaralaia kerere unai. (Kolose 3:21) To, tama sina ese dala maorona ai matahakani idia henia neganai, natudia idia mamia edia tama sina ese idia lalokau henidia, bona edena bamona tauna ai do ia lao idia laloa bada.
Dirava Ena Hereva Ba Tahua Namonamo
Iehova Dainai O Karamu Ḡaudia Ba Moalelai
11 Una heḡereḡerena, eda nega bona goada baita ḡaukaralai Iehova ena hesiai ḡaukara idauidau baita kara, unu amo eda moale baita habadaia. Heḡereḡere haroro ḡaukara baita karaia ‘goadagoada,’ bona kongrigeisin ena ḡaukara idauidau baita karadia namonamo. (Apos. 18:5; Heb. 10:24, 25) Hebou ta laomu neganai baita heḡaeḡae namonamo unu amo eda haere ese ma haida bae hagoadadia diba. Midweek heboudia ai o abimu stiuden asainmen na ba lalodia bada. Bema e noimumu kongrigeisin ai ḡaukara ta ba durua, namona na baola haraḡa bona ba hahedinaraia oi na o ura badamu una ḡaukara ba karaia. E henimumu ḡaukaradia na ba karadia namonamo. Bona ba hekwarahi o karaiamu ḡaukaranai emu diba ba habadaia. (Her. 22:29) Iehova dainai bo ḡaukara goadamu neganai, emu hetura karana ia ida na be goadamu bona bo moalemu. (Gal. 6:4) Danu o uramu madunana na ta ese be abiamu neganai, basio lalohisihisimu to ia dainai bo moalemu.—Roma 12:15; Gal. 5:26.
JULY 21-27
DIRAVA ENA HEREVA ENA NAMO HEREVA LADA-ISIDIA 23
Alkahol Iabina Karana ai Hahekau Herevadia Haida
Dirava Ena Lalohadai Alkahol ai Ba Badinaia
Haida na e laloamu ena be alkahol bada herea be inumu to basie kekeromu. To, una na mai ena dika. Baibul na e gwaumu wain momo i’inuna karana ese e biaguamu tauna na kerere badadia be karamu bona ena hetura karana Iehova ida be hadikaia dibamu. (Tito 2:3; Her. 20:1) Iesu danu e gwa, “kekero” karana ese ta baine koua diba Dirava ena tanobada matamatana ai basine noho. (Luka 21:34-36) Una dainai, Kristen tauna be dahaka baine kara, unu amo alkahol i’inuna karana amo e varamu dika basine davari?
Dirava Ena Lalohadai Alkahol ai Ba Badinaia
To, ita Kristen tauda na Ihavarada Diravana ese sisiba namodia e henidamu. Heḡereḡere, ia ese kekero karana ena dika idauidau na e hadibadamu. Hereva Lada-isidia 23:29-35 ai, kekero tauna ena kara bona e davarimu problem haida baita duahimu. Europe ai elda ta Daniel na ena mauri gunana e laloa lou neganai, e gwa: “Lau na na inuinu momova dainai disisin kereredia na karava bona ḡau dikadia momo egu ai e varava, unu na lalo loumu neganai na lalohisihisimu.”
Dirava Ena Hereva Ba Tahua Namonamo
Aonega Korikorina Na E Boi Lolomu
16 Dekemu ḡaudia ba moalelai. Baibul ese ina sisiba e heni: “Taḡa iabina basio hekwarahilaia. . . . O roha heniamu negana ai na e pukimu; badina be asi kaimana hanina e hekaramu, bena guba e roho dae heniamu, ugava na heto.” (Her. 23:4, 5) Moni bona kohu na basie mia daudaumu be ore haraḡamu. To, taḡa taudia bona ogoḡami taudia na e hekwarahimu moni momo bae abi. Una dainai, nega momo sibodia ladadia e hadikamu, edia hetura karana e hadikaiamu, bona gorere momo e davarimu. (Her. 28:20; 1 Tim. 6:9, 10) To, aonega karana ese be durudamu moni ai lalohadai maorona baita abia. Una ese be gimadamu basita mataḡaniḡani bona dekedai miadia ḡaudia baita moalelai.—Koh. 7:12.
JULY 28–AUGUST 3
DIRAVA ENA HEREVA ENA NAMO HEREVA LADA-ISIDIA 24
Hekwakwanai Negadiai Sibomu Ba Hahegoada
“Ba Gini Tutuka-Tutuka, Basio Marere”
15 Dirava ena Hereva ba stadilaia bona ba laloa dobu. Au ta ramuna na tano ai e diho herea dainai e gini goadamu, una heḡereḡerena eda abidadama na Dirava ena Hereva ai baita hagoadaiamu neganai, baita gini goadamu. Au e tubumu neganai, ramuna na e diho momokanimu bona e momo hereamu. Baita stadimu bona baita lalo dobumu neganai, eda abidadama na be goadamu bona baita abia daemu Dirava ena dala na hereadae. (Kol. 2:6, 7) Iehova ena hereva, ena sisiba, bona ena hegima karana ese guna ena taunimanima e durudia dalana ba haeroa. Heḡereḡere, Esekiel na matahanai ta lalonai e itaia aneru ta ese dubu helaḡa e hahetohoa namonamo. Una matahanai ese Esekiel na e hagoadaia, bona una ese ita e hadibadamu Iehova ena taravatu tomadiho ḡoevana ai baita badinaia na ḡau badana. (Esek. 40:1-4; 43:10-12) Ita danu namo baita davarimu bema nega baita atomu Dirava ena Hereva dobudia baita stadilaimu bona baita lalodia dobumu.
Hahetoho Negadiai Baita Moale Hanaihanai Dalana
17 Hekwakwanai: Lalomanoka. Baibul na e gwa: “Hekwakwanai dinana ai boma manoka-manoka, emu goada na maraḡi-maraḡi.” (Her. 24:10) Bema bo lalomanokamu, emu moale na bo haboioa haraḡamu.
18 Ihahanaina dalana: Iehova enai baita tabekau ia ese goada baine henida baita haheauka totona. Hahetoho baita haheaukalai totona, namona na baita lalogoada. (Iak. 5:11) Iakobo ese ina e ḡaukaralaia herevana “haheauka” baita haeroamu neganai, ita ese tau ta gabunai e gini tutuka-tutukamu karana baita laloamu. Eiava tuari tauna baita laloamu. Ena be inaina na mai daḡedaḡedia ida ia be tuari heniamu, to ia na asi garina ida gabuna ai be ginimu bona be tuarimu.
19 Aposetolo Paulo na asi gari dibana bona haheauka karana ai haheitalai namona e hahedinaraia. Ena be nega haida lalomanoka mamina e abiava, to Iehova ena goada ai e tabekauva dainai e haheauka. (2 Kor. 12:8-10; Fili. 4:13) Bema baita manau bona Iehova ena heduru ai baita tabekau, baita goadamu bona basita garimu.—Iak. 4:10.
Taunimanima Edia Henanadai
Hereva Lada-isidia 24:16 na e gwaumu: “Badina be kara maoromaoro tauna na nega hitu e ketomu, ma e tore isimu.” Una siri be e kara dika louloumu bena Dirava ese ena dika e gwautaomu tauna e herevalaiamu, a?
Lasi, ia anina na dia una. Ina siri ese hekwakwanai momo e davarimu to e haheaukamu tauna e herevalaiamu.
Una ese e hahedinaraiamu Hereva Lada-isidia 24:16 na dia ta e kara dikamu karana e herevalaiamu, to ta ese hekwakwanai idauidau e davari louloumu karana e herevalaiamu. Ina tanobada dikana lalonai, kara maoromaoro e badinaiamu tauna na reana gorere bona hekwakwanai idauidau be davarimu. Eiava reana ena abidadama dainai gavamani ese be daḡedaḡe heniamu. To, e abia daemu Dirava ese ia na be duruamu unu hekwakwanai be haheaukalaimu bona be kwalimumu. Nega momo bo itaiamu Dirava ese ena hesiai taudia na e durudiamu. Dahaka dainai? Badina “Iehova ese e ketomu taudia iboudiai na e abidia isimu; e nunumaidia tarimu taudia iboudiai na ia ese e veridia toremu.”—Sal. 145:14.
Dirava Ena Hereva Ba Tahua Namonamo
w09-MO 10/15 rau 12
Duahia Taudia Edia Henanadai
Baibel negadiai, bema tau ta be ia ura ‘ruma do ia haginia,’ o ia headava bena ruma bese ta ia havaraia, ia sibona ia nanadaia guna, ‘Lau hegeregere egu adavana bona gabeai do ai havaraia natudia lau naria bona durua totona, a?’ Ruma bese ta ia do hamatamaia lasi neganai, iena maduna be uma gabu do ia karaia bona uhe do ia hadoa. Unai dainai, Baibel ta (Today’s English Version) lalonai Aonega Herevadia 24:27 be inai bamona idia torea: “Emu ruma oi do haginia lasi bona ruma bese oi do hamatamaia lasi neganai emu uma idia hegaegae guna, bona oi diba momokani tauanina durua gaudia oi abia diba.” Hari inai negai, unai hakaua herevana be mai anina bada, a?
Oibe. Gau badana be ia ura headava tauna be unai maduna totona ia hegaegae namonamo. Bema ena tauanina ia goada, vadaeni do ia gaukara be namo. Oibe, namona be tau ia gaukara goada ena ruma bese dekenai tauanina durua gaudia bona gau ma haida ia henia totona. Baibel ese ia hahedinaraia, bema tau ta ese ena ruma bese ia ubua lasi, edia hemami ia laloa lasi, bona Iehova ena sivarai o Baibel amo idia ia durua lasi, iena dika ese abidadama lasi tauna ena dika ia hereaia! (1 Tim. 5:8) Unai dainai, bema tau matamata ta be headava totona ia hegaegae, namona be inai henanadai ia henia: ‘Lau hegaegae namonamo vadaeni egu ruma bese edia tauanina durua gaudia lau henia totona, a? Lau hegaegae namonamo vadaeni egu ruma bese ena tomadiho karadia lau gunalaia totona, a? Egu ruma bese ena stadi be hanaihanai do lau hakaua, a?’ Baibel be unai maduna badadia ia herevalaia danu.—Deu. 6:6-8; Efe. 6:4
Unai dainai, namona be adavana ia tahua tau matamata ese Aonega Herevadia 24:27 ena hakaua herevana ia laloa namonamo. Unai hegeregerena, namona be hahine matamata be ia sibona ia nanadaia, ‘Lau hegaegae vadaeni headava hahine bona sina ena maduna lau huaia totona, a?’ Danu, bema headava matamata tau bona ena hahine idia ura natudia idia havaraia, vadaeni unai bamona henanadai idia laloa be namo. (Luka 14:28) Bema Dirava ena taunimanima ese unai bamona hakaua herevadia idia badinaia, unai ese idia ia durua diba idia lalohisihisi lasi to ruma bese ena mauri namona idia moalelaia totona.
AUGUST 4-10
DIRAVA ENA HEREVA ENA NAMO HEREVA LADA-ISIDIA 25
Baibul Ena Hahekau Hereva Namodia ese Eda Herevahereva Karana be Hanamoamu
w15-MO 12/15 rau 19 par. 6-7
Emu Malana Gaukaralaia Namonamo
6 Dahaka dainai nega maorona ai ita hereva be mai anina bada? Aonega Herevadia 25:11 ia gwau: “Hereva maorona gwauraia namonamo karana, be golo herahera siliva bosea latanai bamona.” Golo apolo be mai edia hairai, to siliva bosea latanai oi atodia neganai, idia be do idia hairai momokani. Unai hegeregerena, bema nega maorona ai ita hereva, ita ese ma ta ita durua diba. Edena dala ai?
7 Bema nega kererena ai ita hereva, reana taunimanima be ita gwauraia herevana do idia abia dae lasi. (Aonega Herevadia 15:23 duahia.) Hegeregere, March 2011 ai, tano mareremarere bona sunami ese Japan ena ist kahana ai idia noho siti momo ia hadikaia. Bona taunimanima 15,000 mai kahana idia mase. Ena be Iehova ena Witnes taudia momo ese edia ruma bese bona turadia idia haboioa, to idia ese Baibel idia gaukaralaia idia lalohisihisi taudia idia hagoadaia totona. Tadikaka idia diba unai taudia momo be Budis tomadihona idia badinaia bona Baibel ena hereva idia diba namonamo lasi. Unai dainai, idia ese toreisi lou helarona idia herevalaia lasi, to unai taudia idia hagoadaia bona Baibel amo idia hahedinaraia dahaka dainai kara namo taudia dekenai unai bamona dika ia vara.
w15-MO 12/15 rau 21 par. 15-16
Emu Malana Gaukaralaia Namonamo
15 Hereva ita gwauraia dalana be mai anina bada. Iesu be iena hanua Nasareta ai, sinagoga dekenai ia hereva neganai, taunimanima be “ena uduna amo idia mai hereva namodia dainai idia hoa.” (Luka 4:22) Hereva namodia ita gwauraia neganai, unai ese taunimanima do ia hamoalea, bona iseda hereva do idia kamonai henia, danu ita gwauraia hereva do idia abia dae. (Aon. 25:15) Ita ese hebogahisi dalanai taunimanima ita hereva henia diba, bema edia hemami ita laloa bona idia ita matauraia. Iesu ia itaia hutuma idia ura iena hereva idia kamonai bona idia ia hebogahisi henia, “bona idia dekenai gau momo ia hadibaia matamaia.” (Mar. 6:34) Ena be ia idia hereva dika henia, to edia hereva ia haloua lasi.—1 Pet. 2:23.
16 Ita manada tauna ita hereva henia neganai, mai manau bona aonega ida ita hereva be auka. Idia dekenai ita manada dainai, ita laloa namonamo lasi bona ita hereva diba. Iseda famili bona kongrigeisen ai idia noho tura namodia dekenai unai bamona ita karaia, ani? Oi laloa Iesu be iena hahediba taudia ia diba namonamo dainai, idia ia hereva auka henia, a? Lasi! Iena hahediba taudia be, daika ia bada idia hepapahuahulaia neganai, Iesu be mai manau ida edia kerere ia hamaoromaoroa, bona natu maragina ena haheitalai ia gaukaralaia. (Mar. 9:33-37) Elda taudia be Iesu do idia tohotohoa bona idia sisiba henia tauna be ‘mai manau ida idia hamaoromaoroa.’—Gal. 6:1.
“Baita Hahealo Heheni; Oibe, Ina Kara Baita Habadaia”
10 Ma haida ihagoadadia karana na dia elda taudia mo edia ḡaukara. Paulo ese Kristen taudia e hagoadadia: “Hereva namodia ba gwaurai, taunimanima lalodia ba hapararalai, bena bae kamonai taudia ese harihari-bada bae abia.” (Efe. 4:29) Ita ta ta ese ma haida idurudia daladia baita diba na namo. Paulo ese Heberu Kristen taudia e haḡanidia: “Imamui eme heveri ba toi roro, bona aemui eme pada ba hahedai. Aemui edia dala maoromaorodia ba kara, bena ae-hedairike na basine heride, a baine namo.” (Heb. 12:12, 13) Ita iboudai, matamata taudia danu, baita hahegoada heheni diba.
Dirava Ena Hereva Ba Tahua Namonamo
Baita Manau Na mai Anina Bada
3 Manau karana na lalo goada karana. Una kara e hahedinaraiamu tauna na hekwakwanai negadiai e lalo-mainomu. Manau na “lauma huahuana ta.” (Gal. 5:22, 23) Greek gado ai ina hereva “manau” e ḡaukaralaia neganai, nega haida una na daḡedaḡe hosina ta e hamanadaiamu karana e herevalaiamu. Mani e hamanadaia hosina aita laloa, ia na e manada to mai goadana. To, ita taunimanima be edena dala ai baita manau bona baita lalo goada? Dirava baita noia ena lauma helaḡa amo baine duruda unu kara baita hahedinarai. Tadikaka taihu momo na unu e kara toma. Idia na haida ese e habadudia neganai manau karana e hahedinaraia, unu amo ma haida e durudia Witnes taudia ediai lalohadai maorona e abia. (2 Timoteo 2:24, 25 ba duahidia.) Edena dala ai manau karana ba hahedinaraia?
AUGUST 11-17
DIRAVA ENA HEREVA ENA NAMO HEREVA LADA-ISIDIA 26
“Kavakava Tauna” Ba Hadaudaua
it-2-E rau 729 par. 6
Medu
Gwauhamata tanona ena season na rua, siahu bona paraka. Siahu neganai, gabu na kaukau, a paraka neganai, medu e dihomu. (Sa 32:4 ba haheḡereḡerea; Sol 2:11) April bona October huadia bogaraḡidiai, medu na se diho badabadamu. Nega unu bamodia na ḡeiḡei negadia. Una dainai, Hereva Lada-isidia 26:1 ai e gwa, ḡeiḡei neganai medu e dihomu na se heato kau. (1Sa 12:17-19 ba haheḡereḡerea.) Medu neganai, dina haida mo medu e dihomu to dina haida na lasi. Una na paraka negana dainai, bo parimu neganai be kerumumu. (Esr 10:9, 13) Gabu unu bamodiai ruma metaina na mai anina bada.—Isa 4:6; 25:4; 32:2; Iob 24:8.
w87-E 10/1 rau 19 par. 12
Matahakani ese Maino E Havaraiamu
12 Hereva Lada-isidia 26:3 na e gwaumu; “Hekwadi varona na hosi ena, hahekau varona na doniki ena, bona hekwadi auna na kavakava tauna doruna ena.” Ina siri ese e hahedinaraiamu, nega haida sisiba aukadia baita abi na maoro. Idaunegai bese idaudia ese Israel taudia e tuari henidia neganai, Iehova ese Israel taudia na se durudia edia gwau edeede karana dainai. “Dirava ena hereva vada e gwau edeede henidia, bona Herea Mikamika ena hahealo vada e dadaraia. Hekwarahi ese lalodia e hametaudia; idia na e keto, asi idurudia ta. Bena edia hekwarahi lalonai idia ese Iehova e tai henia, bena ia ese edia hisihisi amo e hamauridia.” (Salamo 107:11-13) To, kavakava taudia haida na se uramu sisiba aukadia bae abi dae: “E sisiba henia momomu to aikona e ha aukaiamu tauna na baine dika taku, asi ihanamona dalana ta.”—Hereva Lada-isidia 29:1.
it-2-E rau 191 par. 4
Ae Dika Taudia
King Solomon na e gwa “Ta na aena e utua ohomu, bona sibona e haheberomu heḡereḡerena, kavakava tauna ḡaukara e heniamu tauna na unubamona.” Momokani, tau ta ese kavakava tauna ḡaukara e heniamu na vaitani sibona e haheberomu, badina ena ḡaukara na basine haḡuḡuruamu.—Her 26:6.
Dirava Ena Hereva Ba Tahua Namonamo
Baita Manau Na mai Anina Bada
18 Ita ese eda abidadama badina mo baita gwauraia na dia heḡereḡere. To namona na mai aonegada bona manauda ida baita hereva. (Kolose 4:6 ba duahia.) Ita ese ta abi daemu ḡaudia ta herevalaimu karana na vaitani bolo ta tahoamu na heto. Ita ese bolo na metaira-metaira baita tahoamu eiava baita tahoa badabadamu. Bema metaira-metaira baita tahoamu, turada ese be gobeamu bona be uramu dounu baita gadara. Una heḡereḡerena, bema mai aonegada bona manauda ida baita herevamu, taunimanima na be uramu bae kamonai bona dounu baita herevahereva. To, bema ta na e uramu ita ida baine hepapahuahu eiava ita e kirikirilaidamu, herevahereva na baita hadokoa. (Her. 26:4) To reana taunimanima haida na dia unu bamona, idia na e uramu bae kamonai.
AUGUST 18-24
DIRAVA ENA HEREVA ENA NAMO HEREVA LADA-ISIDIA 27
Tura Korikoridia amo Namo Ta Davarimu Daladia
Iehova ese Manau Taudia Na E Lalodia Badamu
12 Manau tauna ese sisiba na e abia daemu. Haheitalai na ina: Oi na Kingdom Hall ai. Tadikaka bona taihu haida ida o herevahereva murinai, oi na ta ese e boirimu tabe bena e hamaoromu oi isemu ai na aniani momorudia mimia. Vaia, oi na bo hemaraimu. To, oi e hamaoromu dainai oi e hadibamu tauna bo tenkiu heniamu. Reana bo laloamu matamanai ta ese bema hamaoromu haraḡa na namo! Una heḡereḡerena, bema tadikaka o taihu ta ese e sisiba henidamu, una sisiba e heni tauna baita tenkiu henia, badina nega e ato unu e kara toma. Unu e kara tomamu tadikaka o taihu na turada ai baita halaoa, basita inai henia.—Hereva Lada-isidia 27:5, 6 ba duahi; Gal. 4:16.
it-2-E rau 491 par. 3
Dekeda Tauna
Nega aukadiai, ta trastidiamu tura namodia ediai heduru baita tahu na namo. Una na Hereva Lada-isidia ese e hahedinaraia, e gwaumu: “Turamu bona tamamu turana basio rakatanidia; bona hahehisi karana emu ai e kaumu dinana ai tadikakamu ena ruma basiola. Dekemu tauna ena noho kahi ese tadikakamu ena noho daudau e hereaiamu.” (Her 27:10) Nega haida varavarada korikori amo heduru baita abi na auka, badina idia na daudau bona dia heḡereḡere ita bae duruda. Una dainai, ina siri e torea tauna na e gwa dekeda tauda ediai heduru baita tahu.
Matamata Taumui, Edena Dala ai Emui Mauri Ba Moalelaia?
7 Ioasa ena abi hidi kererena amo ta dibaiamu ḡauna ta na, namona na Iehova e lalokau heniamu bona e uramu ia bae hamoalea taudia baita bamodia. Danu, laḡanidia idauidau taudia—matamata taudia bona burukadia—baita bamodia. Ba helalotao, Ioasa laḡanina be maraḡi, a ia turana Iehoiada laḡanina be bada. Bema oi na o uramu turamu bavabidia hidi, sibomu ba henanadai: ‘Idia ese lau be durugumu egu abidadama Iehova enai baina hagoadaia, a? Idia ese lau be hagoadagumu Dirava ena taravatu baina badinadia, a? Idia be Iehova bona iena hereva momokanidia e herevalaimu, eiava? Dirava ena taravatu e matauraidiamu, a? Idia be lau be durugumu egu kerere baina hamaoromaorodia, a?’ (Her. 27:5, 6, 17) Bema turamu na Iehova asie lalokau heniamu, basio bamodia. To bema Iehova e lalokau heniamu, ba bamodia, badina idia ese oi na be durumumu.—Her. 13:20.
Dirava Ena Hereva Ba Tahua Namonamo
Elda Taumui, Gideon Ena Haheitalai amo Diba Bavabi
8 Iehova ba imodaia. Gideon na Midian taudia e hadareredia dainai taunimanima ese e hanamoa neganai, ia na Iehova e imodaia. (Hah. 8:22, 23) Elda taudia ese Gideon be ede bae tohotohoa toma? Namona na e haḡuḡurumu ḡaudia daidiai Iehova bae imodaia. (1 Kor. 4:6, 7) Heḡereḡere, bema elda ta na ena hahediba dalana dainai haida ese bae hanamoa, baine gwa diba Dirava ena Hereva bona iena orea ese e hadibadamu ḡaudia ta herevalaimu. Nega haida reana elda taudia na bae lalo bema edia hahediba dalana amo idia be sibodia e heimodaimu eiava Iehova e imodaiamu. Elda ta ladana Timothy ena ekspiriens mani aita laloa. Elda maduna e abia matama neganai, pablik tok ihenidia karana na e moalelaiava. Ia na eto: “Nega momo egu hereva na hamatamava neganai na lalata bona haheitalai idauidau na ḡaukaralaiva, una dainai momo ese e hanamoguva. Unu amo idia na lau e lalogu badava, to dia Baibul eiava Iehova.” Gabeai, Timothy na e laloparara, ena hahediba dalana baine haidaua na namo, unu amo taunimanima ese e imodaiamu karana baine dadaraia. (Her. 27:21) Bena dahaka e vara? Ia na eto: “Momo ese e hamaoroguva egu tok ese idia be ede e durudia toma hekwakwanai o hahetoho ta e haheaukalaia, eiava edia hetura karana Iehova ida e hanamoa. Hereva unu bamodia na kamonai neganai na moale bada, dia guna heḡereḡerena.”
AUGUST 25-31
DIRAVA ENA HEREVA ENA NAMO HEREVA LADA-ISIDIA 28
Kara Dika Tauna Bona Kara Maoromaoro Tauna Edia Idau
w93-MO 5/15 rau 26 par. 1
Gau Ibounai Dekenai Iehova Oi Badinaia, A?
“KARA maoromaoro taudia be ia gari lasi leona matamatana ta bamona.” (Hereva Lada-isidia 28:1) Idia abidadama, Dirava ena Hereva dekenai idia tabekau, bona herevana dahaka dika ia mai, gari lasi dekenai Iehova ena hesiai gaukara idia karaia.
Oi be Noa, Daniel, Bona Iobu Heḡereḡeredia Iehova O Dibaiamu, A?
DINA gabedia edia ore negana e kahikahimu lalonai, kara dikadia na “bae vara rei na heto.” (Sal. 92:7) Una dainai, basita daradara bema taunimanima momo ese kara maoromaoro taravatudia asie badinamu. Hari ina nega lalonai, edena dala ai ‘lalo-dika ai baita ḡaruḡaru’ to darada na “taudia e lo taudia daradia heḡereḡeredia ai baela”?—1 Kor. 14:20.
2 Una henanadai na eda sinado sirina ese e haerelaia, una siri kahana na e gwaumu: “Iehova e tahuamu taudia na dibadia vaitani”—anina na, Ia ihamoalena karadia iboudiai e dibamu eiava e lalopararalaimu. (Her. 28:5) Hereva Lada-isidia 2:7, 9 danu e gwaumu Iehova “ese aonega namona e habouamu, kara maoromaoro taudia edia.” Unu amo, idia ese “kara maoromaoro bona hahemaoro ḡoevaḡoeva [bae] diba, bona ahu korikori ihenina bona dala namodia iboudiai danu.”
it-1-E rau 1211 par. 4
Dirava Ibadinana Karana
Dirava na baita badinaia diba, dia siboda eda goada amo, to eda abidadama Iehova enai bona ena siahu amo. (Sa 25:21) Dirava na e gwauhamata, ia na ia e badinaiamu taudia edia “kesi” bona edia “goada gabuna.” (Her 2:6-8; 10:29; Sa 41:12) Una dainai, edia mauri ai Iehova ena lalonamo bae abia neganai, una ese be durudiamu Ia na dounu bae badinaia. (Sa 26:1-3; Her 11:5; 28:18) Iobu na e itaia, kara maoromaoro taudia na kara dika taudia edia lohia dalana dainai e hisihisiva bona kara dika taudia ida be masemu, to Iehova na e gwa Ia ese kara maoromaoro taudia edia mauri na e lalo badamu bona e gwauhamata, vaira negai idia na maino ai be nohomu; ahudia namodia be abimu bona be noho hanaihanaimu. (Iobu 9:20-22; Sa 37:18, 19, 37; 84:11; Her 28:10) Iobu heḡereḡerena, Dirava ibadinana karana na mai anina bada, dia ta ena taḡa. Una kara namona dainai, ta na haida ese be matauraiamu. (Her 19:1; 28:6) Dirava e badinaiamu taudia natudia na e moalemu (Her 20:7), badina tamadia na haheitalai namona. Bona ia bae tohotohoa neganai, lada namona bae abia bona haida ese bae matauraidia.
Dirava Ena Hereva Ba Tahua Namonamo
Hanaihanai Ba Gima Hedibaḡani Ba Dadarai
19 Bema eda manoka ḡauna na do asita hahanaia, dahaka baita kara be namo? Iesu ena hereva baita badinaia, ia na e gwa: “Ba gima” anina na hedibaḡani amo siboda baita hegima. Ena be nega haida eda manoka ḡaudia ikarana urana na be goadamu, to dounu baita ḡaukara goada hedibaḡani baine havara ḡaudia bona gabudia baita dadarai. (1 Kor. 10:12) Danu, manoka ḡaudia o hahanaidia neganai e durumu ḡaudia na dounu ba kara. Hanaihanai “ba goada” hedibaḡani amo sibomu ba hegima.—2 Pet. 3:14.