Ba Stadilaia Ḡauna Ta

Iehova Ena Kara Namodia Ma Haida Ba Tahu

Baibul ta duahiamu neganai, stadi tuludia idauidau baita ḡaukaralai diba, ta duahiamu ḡauna baita lalopararalaia totona. To, Baibul ena hereva baita lalopararalaia mo na dia heḡereḡere. Namona na Iehova ena kara namodia baita dibadia namonamo, unu amo eda lalokau ia enai baita habadaia. Unu baita kara toma totona, siboda baita henanadai, ‘Ina Baibul sivaraina amo Iehova enai dahaka na dibamu?’

Namona na Iehova ese ena lalokau, aonega, hahemaoro maoromaoro, bona siahu e hahedinaraimu daladia baita stadilaidia. To, Iehova na mai ena kara namodia ma haida danu. Unu kara namodia be edeseniai ba hetahulai diba?

Watch Tower Publications Index ai, sinado ladana “Jehovah” henunai, sinado maraḡina “Qualities by Name” ai Iehova ena kara namodia iboudiai 50 mai kahana ba itadia. Oi ese o duahiamu Baibul sivaraina lalonai e herevalai karadia ba hetahulaia. (Eiava Research Guide for Jehovah’s Witnesses kahanai sinado ladana “Jehovah God” henunai, sinado maraḡina “Jehovah’s Qualities” ba itaia.)