DAHAKA BAITA KARA BEMA KOHU DAVADIA E DAEMU?

Baita Abia Dae Ḡau Haida Na Basita Haidau Dibamu

Bema kohu davadia na taidia e daemu, bona bema eda pei danu taina e daemu basita dibamu kohu davadia be e daemu. To, bema ita na mai eda ruma bese bona kohu davadia na e dae hereamu a eda pei be gabunai, baita lalohekwarahimu.

Ita ese kohu davadia e daemu na basita koua dibamu. To bema baita abia dae ḡau haida na basita haidau dibamu, basita lalohekwarahimu.

DAHAKA DAINAI UNA NA MAI ANINA BADA?

Bema ta na e laloamu kohu davadia e daemu na basine haidaua dibamu . . .

ia na basine lalohekwarahimu. Lalohadai maorona baita abiamu neganai, abi hidi maorodia baita karamu.
ena moni na baine ḡaukaralaia namonamo. Heḡereḡere, paua bona ranu davadia na nega maorodia ai be henimu.
moni dainai ruma bese ida na basine hepapahuahumu.
be hoimu kohudia na be haero namonamomu bona e ura henimu ḡaudia mo be hoimu, unu amo ena moni na basine negea kavamu.

BA KARAIA DIBA ḠAUNA

Ḡau haida ba haidau. Bema kohu davadia na e dae hereamu, namona na basio hoi kava hoi kava. Taunimanima haida na bae hoi kohudia davadia na babada heherea, to dounu e ura dikamu bae hoi, una ese edia mauri na e ha-aukaia hereamu. Bema oi na mai emu femli, bo hekwarahimu inaridia, to ba laloa ḡauna na oiemu femli ese oiemu lalokau, nega bona heduru na e laloa badamu.

“Lalohekwarahi karana amo emui mauri ba halataia diba, a?”—Luk 12:25, NWT.

“Kerukeru dainai basio lalohekwarahi, badina kerukeru na mai ena lalohekwarahi ḡaudia. Hari dina ḡaudia mo ba lalohekwarahilai.”—Metiu 6:34.

Dava bada kohudia ihoidia karana ese emu mauri na be ha-aukaiamu, una na heḡereḡere aru goada hereana ta o nahu heniamu.