Program Reynion Servis
Semenn Apartir 14 Oktob
Kantik 103
10 min: Anons lokal ek bann anons ki dan Nu Minister DiRwayom. Ankuraz tu dimunn pu lir Nonm sapit 25 ek Étude perspicace Volim 2, paz 302, paragraf 4-6, ek pu get kaset video Des exemples qui nous servent d’avertissement. Kumsa zot pu kapav prepar size ki pu koz lor la dan Reynion Servis semenn 28 Oktob.
15 min: Anons lokal.
20 min: “Kuma Bann Sirveyan Letid Liv Montre enn Lintere Personel.” Enn Sirveyan Letid Liv Kongregasyon, egzaminn sa lartik la par kestyon ek repons. Dan so lintrodiksyon li explik pu enn ti moman kuma letid liv finn kumanse. (jvF 237 par. 4) Fer de uswa trwa proklamater prepar zot an avans pu explike kuma zot finn tir profi ar latansyon personel ki zot finn gayne dan letid liv.
Kantik 65 ek lapriyer final.
Semenn Apartir 21 Oktob
Kantik 206
10 min: Anons lokal. Rapor kont. Servi bann lide ki dan paz 8 ek fer de demonstrasyon pu prezant La Tour de Garde 15 Oktob ek Réveillez-vous ! 22 Oktob. Dan sak demonstrasyon montre kuma reponn lobzeksyon “Mo konn byin sa travay ki zot pe fer la.”—Get liv Comment raisonner, paz 20.
35 min: “Tir Maximem Profi ar Lasanble Distrik ‘Bann Proklamater Ki Zele.’” Fer par kondikter Latur Degard. Apre enn lintrodiksyon enn minit, egzaminn avek lasistans program lasanble distrik. Pu sa, servi bann kestyon ki deza dan lartik lamem. Program byin u letan. U kapav fer bann ti komanter pu rapel lasistans bann pwin inportan. Kan neseser, demann lasistans kuma zot finn met an pratik seki zot finn aprann ek ki profi zot finn gayne parski zot finn fer sa.
Kantik 194 ek lapriyer final.
Semenn Apartir 28 Oktob
Kantik 110
8 min: Anons lokal. Pu Reynion Servis semenn prosenn, ankuraz tu dimunn pu reviz zot bann not lasanble spesyal enn zur ki ti ena le 27 ek 28 Oktob 2001. Ek dir zot pa bliye amenn zot bann not. Rapel bann proklamater pu remet zot rapor mwa Oktob. Pu enn ti moman reget detrwa sigzesyon ki dan sipleman Nu Minister DiRwayom Zanvye 2002, lor fason pu prezant brosir Ki Bondye Pe Demann Nu? ek liv Konesans Ki Amenn Ver Lavi pu Tuletan. Servi enn sa bann prezantasyon la pu fer enn demonstrasyon.
12 min: Bann lexperyans lokal. Invit kongregasyon pu rakont bann lexperyans ki zot finn fer kan zot ti vwayaze pu al lasanble distrik ek mem pandan lasanble. Uswa rakont bann lexperyans ki zot finn fer kan zot finn donn temwaynaz okazyonel dan travay, dan lekol, kan ti fer shopping, ubyin dan lezot landrwa ankor.
25 min: “Li Byin Inportan Nu Pran Kont ‘Bann Legzanp Ki Averti Nu.’” Fer enn lintrodiksyon mwins ki enn minit, apre sa kumans egzaminn tu kestyon ki dan lartik la avek lasistans. An Desam nu pu get kaset video No Blood—Medicine Meets the Challenge.
Kantik 41 ek lapriyer final.
Semenn Apartir 4 Novam
Kantik 66
10 min: Anons lokal. Servi bann lide ki dan paz 8 ek fer de demonstrasyon. Demann enn ser montre kuma pu prezant Latur Degard 1 Novam ek enn frer montre kuma pu prezant Réveillez-vous ! 8 Novam. Apre sak demonstrasyon, atir latansyon lor enn pwin pozitif.
13 min: Pa Onte Akoz Labonn Nuvel. (Rom. 1:16) Enn zenn rakont so papa so problem, li ezite pu dir ki li enn Temwin Zeova parski li per ki so bann kamarad sikann li. So papa remersye li parski li’nn koz fran avek li. Lerla, papa la rakont zenn la ki reaksyon enn fwa Pyer ti ena parski li ti les li inflyanse par lezot. (Mat. 26:69-74) Papa la donn li sa konsey la: Fode zame nu onte ki nu enn Kretyin. (Mark 8:38) Li bon to fer kone ki to enn Temwin, dan lekol. Kan bann profeser konn sa, zot pu respekte to bann krwayans ek zot pa pu rod fer twa pran par dan bann aktivite ki twa to truv pabon. Kitfwa, lerla bann zenn ki pena prinsip pa pu rod inflyans twa pu ena enn move kondwit. Lezot zanfan dan klas pu konpran fasilman kifer to swazir pu pa sorti avek enn kikenn lot sex, pu pa partisip dan bann spor ki pa dan program lekol, uswa pu pa al dan bann aktivite ki organize apre lekol. Si ena letan, papa la ek zenn la koz lor bann pwin ki dan liv Les jeunes s’interrogent, paz 315-18 anba sutit “Faites la déclaration publique de votre amitié avec Dieu.” Zenn la remersye so papa pu bon konsey ki li finn donn li.
22 min: Sumet ar Bondye—Reziste Kont Dyab. (Zak 4:7) Enn diskisyon vivan ki enn ansyin pu fer lor program lasanble spesyal enn zur ki ti ena le 27 ek 28 Oktob 2001. Li pu servi bann kestyon ki deza ena dan sa parti la. Invit kongregasyon pu rakonte kuma zot finn met an pratik seki zot ti aprann. (Kapav demann sertin an avans pu fer bann komanter lor sertenn parti sa program la.) Atir latansyon lor bann diferan parti program: (1) “Sumet ar Bondye dan enn Lemond Ki Esklav.” Kifer eski nu bizin fer atansyon ek evit bann pyez ki ena dan lemond? (2) “Sumet ar Bondye Antan Ki Manb enn Fami.” Kifer eski dan lorganizasyon Zeova ena enn gran bezwin pu fer bann relasyon dan fami vinn pli solid? Kuma eski nu kapav fer sa? (3) “Ed Bann Nuvo Disip pu Tini Ferm dan Kote Zeova.” Kuma eski nu kapav ed bann nuvo pu sirmont bann problem ki kapav teste zot lafwa? (4) “Ki Vedir Reziste Kont Dyab?” Ki kitsoz ki inportan pu reysi reziste kont Dyab? Kuma eski tu bann lekipman lager spirityel ki dekrir dan Efezyin 6:11-18, kapav protez nu? (wF 92 15/5 21-3) (5) “Bann Zenn Ki Reysi Reziste Kont Sa Kikenn Ki Move La” ek “Zenn Ki Tir Profi Kan Zot Sumet ar Bondye.” Kont ki detrwa pyez ki Satan servi, bann zenn bizin fer atansyon? Kuma eski bann zenn ki sumet ar Zeova gayn benediksyon? (wF 90 1/8 13-14, par. 15-17) (6) “Nu Tir Profi Kan Nu Sumet ar Bondye.” Explike kuma bann Kretyin montre zot sumisyon ar bann guvernman, ar zot bann patron dan travay, dan fami, ek dan kongregasyon. Ki bann kalite ki pu ed nu pu fer sa?
Kantik 185 ek lapriyer final.