“Comié l’heure temps mo bizin compté?”

Eski ou finn deja pose ou sa question-la? Nou gagne bann instruction lor sa sujet-la dan livre Organisés page 86-87. En plus, de temps en temps, nou gagne bann renseignement lor la, couma par exemple dan Question ki’nn soulevé, dan Ministere du Royaume septembre 2008. Parski bann situation zot different, nou pa finn gagne enn longue la liste bann regle pou tou situation. Alors, li pa pou approprié ki bann ancien ou-soit n’importe kisannla donne lezot instruction.

Si enn question soulevé ek ki pena okenn instruction lor la dan bann publication, chaque proclamateur bizin demann li-mem: eski mo finn servi sa le temps-la dan ministere ou-soit eski mo finn passe sa le temps-la pou faire enn lot kitsoz ki pa forme partie sa l’activité-la? Seki nou ecrire lor nou rapport toulé mois bizin donne nou la joie, fodé pa ki sa faire nou conscience reproche nou. (Actes 23:1) Bien sur, seki pli important, c’est pa couma nou bizin compte nou le temps, mais couma nou kapav servi nou le temps dan enn fason efficace kan nou bien occupé dan nou ministere.​—Héb. 6:11.