Program prochain l’assemblée circonscription
Jéhovah merité ki nou donne Li la gloire. Couma nou donne Jéhovah la gloire? Ki difficulté certain gagné pou donne Jéhovah la gloire? Ki benediction bann ki glorifié Jéhovah gagné asterla? Program l’assemblée circonscription pou l’année service 2008 pou donne nou bann bon reponse pou sa bann question-la. Theme sa l’assemblée-la c’est: “Faire tou pou la gloire Bondié.” (1 Cor. 10:31) Anou guetté ki pé attann nou pendant sa deux jour l’assemblée kot nou pou gagne enn l’enseignement spirituel en abondance-la.
Surveillant district pou faire discours “ Pourquoi rendre gloire à Dieu ? ” ek “ Respectons les exigences divines de façon exemplaire. ” Li pou faire discours publik “ Qui glorifie Dieu aujourd’hui ? ” ek discours final “ Unis pour glorifier Dieu sur toute la terre. ” Li pou dirige Lekol ministere theocratik aussi. Surveillant circonscription pou faire discours “ Prenons plaisir à refléter la gloire de Dieu ”, “ Examinons les besoins de la circonscription ”, ek “ Restons ‘ fermement établis dans la vérité ’ ” ki basé lor 2 Pierre 1:12. En plus, pou ena enn discours ki pou montré nou couma service pionnier donne Bondié la gloire. Theme premier symposium c’est “ Glorifions Dieu dans tous les aspects de notre vie. ” Sa symposium-la pou faire nou bien reflechi. Li pou examine en profondeur signification bann parole inspiré ki trouve dan 1 Corinthiens 10:31. Theme deuxieme symposium c’est “ Offrons un service sacré à la louange de Jéhovah. ” Sa discours-la pou koz lor bann different l’aspect nou l’adoration. Dimanche nou pou gagne nou resumé La Tour de Garde ek nou pou examine nou texte du jour. En plus, pendant sa l’assemblée-la bann nouveau pou kapav prend bapteme.
Majorité bann dimoune pa’lé prend compte Bondié zordi. Beaucoup trop occupé avek zot bann projet pou zot medite lor la gloire Bondié. (Jean 5:44) Mais nou, nou sur ki nou pou gagne bann bienfait si pou prend le temps pou examiné couma nou kapav “faire tou pou la gloire Bondié.” Organise ou pou ou present ek pou profite bien toulé-quatre session l’assemblée.