Enn l’aide ki pou protege nou spiritualité
1. Ki disposition Jéhovah finn prend pou aide nou annonce la bonne nouvelle?
1 Avek generosité, Jéhovah donne nou l’instruction, formation, ek l’encouragement ki nou bizin pou accompli mission ki Li’nn donne nou pou annonce la bonne nouvelle. (Mat. 24:14; 2 Tim. 4:17) Enn moyen kot Li donne nou tousala, c’est a travers nou l’assemblée circonscription. Nouveau programme sa l’assemblée-la pou l’année service 2010 pou ena theme “Protege ou spiritualité,” basé lor Romains 8:5 ek Jude 17-19. Sa l’assemblée-la pou faire en mars ek avril 2010.
2. (a) Ki bienfait nou pou gagné dan l’assemblée circonscription? (b) Couma bann l’assemblée circonscription ki finn ena dan le passé finn aide ou dan ou ministere?
2 Bann bienfait: Programme l’assemblée pou mette nou en garde kont bann danger couma bann distraction ki kapav prend tou nou le temps ek ki kapav detourne nou l’attention lor seki vrai-mem important. Nou pou aprann couma pou combatte enn l’attitude ki permette nou faire seki nou envie, ek nou pou examiné ki sa vedir enn dimoune spirituel. Symposium ki pou ena dimanche pou montré sakenn parmi nou personnellement ek en tant ki famille ki nou kapav faire pou renforce nou spiritualité malgré bann pression ki pé contigne augmenté ek bann kitsoz ki vrai-mem testé nou la foi. Sa programme-la pou aide nou protege nou leker, pou garde nou la santé spirituel, ek pou garde bien dan nou l’esprit bann benediction ki pé attann bann ki protege zot spiritualité.
3. (a) Kan eski pou ena ou prochain l’assemblée circonscription? (b) Ki ou bizin bien decidé pou faire?
3 Desuite couma ou koné kan pou ena ou prochain l’assemblée circonscription, prend bann disposition pou ki ou present ek ki ou ecoute bien pendant toulé-deux jour l’assemblée. Ou kapav sur ki Jéhovah beni bann ki faire zeffort.—Prov. 21:5.
4. Ki kitsoz nou sur nou pou gagné pendant nou prochain l’assemblée circonscription?
4 Oui, c’est Jéhovah ki donne nou sa joli don-la. Sa programme ki finn preparé par l’esclave fidele-la, c’est sa-mem ki nou bizin pou aide nou contigné en tant ki bann ministre chretien. Nou reconnaissant ar Jéhovah pou tou bann disposition ki Li prend avek amour pou aide nou pou “tini ferme declaration publik nou l’esperance sans ballotté.”—Héb. 10:23-25; Jacq. 1:17.