Enn l’aide pou bann ministre chretien
1. Ki nouveau disposition ti mette en place en 1938, ek pou ki raison?
1 En 1938, l’organisation Jéhovah ti mette en place enn nouveau disposition. Bann groupe congregation ti invité pou assisté bann l’assemblée de zone, ki zordi nou appel l’assemblée circonscription. Pou ki raison? L’Informateur (zordi Ministere du Royaume) janvier 1939, en anglais, reponn: “Sa bann l’assemblée-la forme partie dan l’organisation theocratik Jéhovah pou dirige service so Royaume. Bann instruction ki nou gagné la-bas li bien important pou sakenn parmi nou, pou nou kapav faire couma bizin travail ki’nn donne nou.” Kan nou guette l’accroissement ki finn ena depuis 1938, kot ti ena zis 58,000 proclamateur pou vinn plus ki 7,000,000 en 2009, li clair ki bann l’assemblée circonscription, pé accompli zot l’objectif pou aide bann proclamateur “faire couma bizin travail ki’nn donne zot”!
2. Ki renseignement nou pou gagné dan l’assemblée circonscription pou nouveau l’année service?
2 L’assemblée circonscription pou prochain l’année service: Nou pé attann avek impatience l’assemblée circonscription ek bann encouragement ki sa l’assemblée-la pou donne nou. Theme sa l’assemblée-la c’est: “Zot pa faire partie dan le monde” ek li basé lor Jean 15:19. Ki discours ki pou bien encourage bann ministre chretien? Samedi nou pou kapav ecoute sa discours-la: “ Comment le service à plein temps nous protège-t-il ? ” Nou pou aussi ena la joie pou ecoute enn symposium en trois partie, so theme c’est: “ Ne vous laissez pas contaminer 1) Par la ‘ bête sauvage, ’ 2) Par la ‘ grande prostituée ’ et 3) Par les ‘ marchands itinérants. ’” Dimanche nou pou ecoute enn symposium, so theme c’est: “ Aimez Jéhovah, pas le monde. ” Parmi bann lezot discours pou ena: “ Restons ‘ des étrangers et des résidents temporaires ’” ek “ Prenez courage ! Vous pouvez vaincre le monde. ”
3. Ki profit nou kapav gagné si nou assisté l’assemblée circonscription?
3 Apré ki li ti fek assisté enn l’assemblée circonscription, enn soeur ki ti pé faire moins dan ministere, ti ecrire ki sa l’assemblée-la ti encourage li pou ré-examine so situation ek pou “al preché ek arrete rod bann excuse!” Pena doute ki programme l’assemblée circonscription pou nouveau l’année service pou aide nou tou pou content Jéhovah plutot ki le monde. (1 Jean 2:15-17) Faire sur ki ou la ek ki ou ecoute bien pou tire maximum profit ar bann disposition ki’nn prend avek l’amour pou bann ministre chretien!