Nuvo Program Lasanble Sirkonskripsyon
1 Nu Met ti anonse ki so bann disip ti pu konn bann sufrans. (Mat. 24:9) Kuma eski nu bizin konsider bann leprev? Ki pu ed nu pu andir sa bann leprev la? Program lasanble sirkonskripsyon pu lane servis 2004 pu reponn sa bann kestyon la. Tem sa lasanble la se “Ki Zot Lesperans Donn Zot Lazwa. Andire dan Sufrans.”—Rom. 12:12.
2 De Diskur an Plizir Parti: Tem premye diskur la se, “Raport Frwi Avek Landirans.” Sa diskur la pu koz lor bann fason kuma nu kapav raport frwi. Pu intervyue plizir proklamater. Zot pu explike kuma zot prese ek anseyne avek lide ki lafin byin pre. Bann paran sirtu pu anvi ekut byin parti “Kan Zeova Disiplinn Nu.” Sa parti la pu koz lor kuma bann paran kapav rezonn avek zot bann zanfan. Dernye orater sa diskur an plizir parti la pu atir latansyon lor seki nu bizin fer pu anpes lemond afekte nu dusma-dusma dan enn move fason ek fer nu vinn bann dimunn ki pa raport frwi.—Mark 4:19.
3 Tem dezyem diskur an plizir parti se, “Galup Lakurs Avek landirans.” Sa diskur la pu montre nu byin kuma nu lavi parey kuma enn lakurs. Kifer eski nu bizin galup dapre bann regleman? Kuma eski nu kapav reysi tir tu pwa lor nu ek pa fatige dan sa lakurs pu lavi la? Sa konsey Labib ki tom dan enn bon moman la pu ed nu tu pu kontiyn galup avek landirans.
4 Landirans Fer Nu Gayn Faver Bondye: Diskur bann sirveyan sirkonskripsyon zot pu bann diskur ki pu fortifye lafwa bann ki ekute ek aplik sa bann konsey la. Enn parmi bann diskur sirveyan distrik se, “Landirans Fer Nu Gayn enn Kondisyon Ki Apruve.” Diskur piblik pu reponn sa bann kestyon la: An ki non bann nasyon bizin met zot lespwar ek ki sa inplike? Tem diskur final se, “Par Zot Landirans, Zot Pu Gayn Zot Nam.” Sa diskur la pu montre kuma Zezi ti kapav andir linzistis san ki li vinn amer.
5 Pa bliye amenn u liv École du ministère ek Latur Degard ki pu etidye pu sa semenn la. Pran bann not ki pu ed u konsantre ek ki u pu kapav servi apre. Plitar, dan kongregasyon pu ena enn revizyon program lasanble.
6 Zeova Limem finn prepar sa gran festin spirityel la. Vini! Manze! Nu pu dan lazwa si nu prezan pu profit sa program la an antye.—Izai 65:14.