¿Jítasu ju Liosta wátiawi?

Lios wepu Buia musälamachisi yäripo jiba bechïbo itom jiapsi iʼa yanti jiápseka éntok alʼleaka.

Jámak junële énake: “¿Jáchisu ara wénake juʼu?”. Ju Biblia tuá a noka ke ju Liosta Yawra a yábare. Wa sïmeta yálawi a watia ke sïme géntem a Yawra bétana jünenakem éntok jítasu a yabarëwi ame bechïbo (Salmo 37:11, 29; Isaías 9:7).

Lios tüwata jiba ito bechïbo watia.

Wepu tü átchay bénasi a uʼusim bechïbo tüwata jiba watia, itom Átchay aman téwekapo kátekame jiba bechïbo alʼleaka itom jiápsa iʼa (Isaías 48:17, 18). Apo ika promésata yawʼwak: “Të juka Diosta nésahui joame jíba béchïbo jiápsinake” (1 Juan 2:17).

Lios a boomʼmet itom naw weram iʼa.

Ju Biblia itom texwa ke wa sïmeta yálame “a boom bétana” itom maxtiá báreka eyʼya “ametʼte” nas werámnake bechïbo (Isaías 2:2, 3, TNM). Apo a watia ke sïme géntem sïmat joákame a wátiawtam täyanake júnentak wepu “puéblota yew puákawi [a téwam] a yörinakemta” bechïbo (Hechos 15:14).

Lios itom a adoráruaiʼa naw aneka.

Ju religión lutüria génteta naw tojʼja tuá émom náknake bechïbo, ka am nánaykimte (Juan 13:35). ¿Jábesa am maxtiá jume ówim éntok jámuchim sïmat joákame Lióstaw naw aneka a tekipánoaria bechïbo? Enchite néjune ju yómiata járiw bechïbo ika follétota bíchaka.