14 Ary hoy i Jehovah tamiko: “Mandainga ireo mpaminany maminany amin’ny anarako ireo,+ fa tsy naniraka azy aho na nandidy azy na niteny taminy.+ Ny faminaniana lazainy aminareo mantsy dia fahitana sandoka, filazana ny hoavy amin’ny alalan’ny sikidy, zava-poana,+ ary fitaka noforomporonin’ny sainy.+

21 “Tsy naniraka an’ireo mpaminany ireo aho, nefa mbola nihazakazaka nanao izany ihany izy. Tsy niteny tamin’izy ireo aho nefa mbola naminany ihany izy.+

15 Hoy koa i Jeremia mpaminany tamin’i Hanania+ mpaminany: “Henoy ny teniko, azafady, ry Hanania! Tsy naniraka anao i Jehovah, fa ianao no nahatonga an’ity vahoaka ity hatoky lainga.+

8 Izao mantsy no nolazain’i Jehovah Tompon’ny tafika, Andriamanitry ny Israely: “Aza avela hamitaka anareo ny mpaminany sy ny mpisikidy eo aminareo.+ Ary aza mihaino ny nofiny, izay tantarainy aminareo.+

6 “Nahita fahitana izy ireo, nefa fahitana tsy marina sy faminaniana sandoka avy amin’ny sikidy.+ Izao no lazain’izy ireo: ‘Izao no lazain’i Jehovah’, nefa i Jehovah tsy naniraka azy. Koa niandry izay hahatanteraka ny teny izy ireo.+