25 Raha mbola natory ny olona, dia tonga ny fahavalony namafy tsimparifary* teo amin’ny vary,* dia lasa.

4 Fa milaza marimarina ny fanambarana avy amin’ny fanahy fa hiala+ amin’ny finoana ny sasany any aoriana any,+ satria mihaino fanambarana mamitaka+ avy amin’ny fanahy sy mihaino fampianaran’ny demonia.+

18 Niala tamin’ny fahamarinana+ ireo lehilahy ireo ka nilaza fa efa nitranga sahady, hono, ny fitsanganana amin’ny maty.+ Koa nandrava ny finoan’ny sasany+ izy ireo.

3 Ho avy mantsy ny fotoana tsy hahazakan’ny olona ny fampianarana mahasoa+ ka hanangonany mpampianatra ho an’ny tenany, araka izay iriny, mba handrenesany zavatra mahafinaritra ny sofiny.+

2 Nisy mpaminany sandoka koa anefa teo amin’ny vahoakan’Andriamanitra, ary hisy mpampianatra sandoka koa eo aminareo.+ Ireny indrindra no hampiditra mangingina sekta mampidi-doza, sady handa an’ilay tompo nividy azy,+ ka hahatonga fandringanana haingana ho an’ny tenany.

18 Izao, anaka, no ora farany.+ Araka ny efa renareo, dia ho avy ny antikristy.+ Ary efa misy antikristy maro sahady izao.+ Izany no ahafantarantsika fa izao no ora farany.