Avy Amin’ny Mpamaky

Hakamoana Mamaky Teny Namaky ilay lahatsoratra hoe “Mitandrema Amin’ny Hakamoana Mamaky Teny” (8 Febroary 1996) aho ary nankafy azy io indrindra, hany ka voatosika hanoratra sy hisaotra anareo noho ilay lahatsoratra mampita fahalalana nomenareo. Manome antsika ny fahafahana hahafantatra ilay Mpamorona izao rehetra izao, amin’ny alalan’ny Teniny sarobidy, dia ny Baiboly, ny famakian-teny. Noho izany, dia misy ifandraisany ny fahalemena ara-panahy sy ny hakamoana mamaky teny.

R. R., Etazonia

Na dia Kristiana vita batisa hatramin’ny 28 taona sady mpamaky tsy tapaka ireo zavatra vita an-tsoratry ny Fikambanana aza aho, dia nangataka andro lava ary nahatsapa fa nihavery ny faniriako hamaky teny. Nampahafantatra ilay olana nahazo ahy ny lahatsoratrareo! Nanome ahy ny fandrisihana hamaky mba hahasoa ny tenako, ny fanjohian-kevitrareo momba io foto-kevitra io.

A. O., Kanada