HADADRIMONA

(Hadadrimòna).

Azo inoana fa toerana teo amin’ny lemak’i Megido. (Za 12:11) Maro no milaza azy io ho i Rommana, tokotokony ho 7 km any atsimo atsimoatsinanan’i Megido.

Milaza ny faminanian’i Zakaria fa nisy “fitomaniana mafy” tao Hadadrimona. Ny fitomaniana tamin’i Josia Mpanjaka maty an’ady tao Megido angamba no tiany horesahina. (2Mp 23:29; 2Ta 35:24, 25) Misy anefa milaza fa fombafomba fisaonana toy ny atao amin’ny andriamani-diso Tamoza io fitomaniana io (ampit. Ezk 8:14), ka anaran’andriamanitra natambatra ny hoe “Hadadrimona.” Tsy mitombina anefa izany, satria anisan’ny faminaniana momba ny Mesia ireo tenin’i Jehovah nampilazainy an’i Zakaria ireo. Tsy ny fombafomba fitomanin’ny mpanompo sampy mihitsy no hampiasaina ho ohatra hilazana faminaniana. Azo inoana kokoa hoe ny fisaonana an’ilay mpanjaka tsy nivadika tao Joda no tiana holazaina.​—Ampitahao amin’ny Za 12:10-14 ny Jn 19:37 sy ny Ap 1:7.