Mamaly eo ambany fanapahan’ny fahatezerana ve ianao?

“Ny famaliana mora dia mampianina ny fahatezerana mafy; fa ny teny maharary mahatonga fahasosorana.” Izany no antitranterin’ny Ohabolana 15:1.

Rehefa misy olona mahasosotra anao, moa ve ianao mahatsiaro tena ho voatosika hamaly ratsy azy sy hilaza azy sy ‘hilaza aminy izay marina rehetra’? Mety hisy vokany ratsy izany.

Tany New York, ny zazavavy iray dia nifanditra mafy ny amin’ny faharatsian’ny fandrosoan-tsakafo tao amin’ny hotely italiana iray. Rehefa nody tany an-tranony izy, dia niresaka ny amin’izany tamin’ny raikeliny. Nankany amin’ny hotely io mba hifanazava tamin’ilay lehiben’ny hotely ka novonoin’io ho faty tsotra izao tamin’ny fifandirana nitranga.

Ho nahasoa ve ny fampiharana ny torohevitra omena ao amin’ilay ohabolana voatonona eo ambony tao anatin’ny tarehin-javatra toy izany? Tadidio ny fisehoan-javatra kely teo amin’ny fiainan’i Abigaila sy Davida, dia fisehoan-javatra voatantara ao amin’ny I Samoela 25:2-35. Rehefa reny ny fitantarana ratsy nataon’ireo zazalahy niverina avy tany amin’i Nabala vadin’i Abigaila, dia saika nanao fahadisoana lehibe sy nandatsaka ra tsy nanan-tsiny i Davida. Ny valinteny malefaka nomen’i Abigaila, ny zavatra nataony tamim-pahamoram-panahy sy ny fanetren-tenany dia nampitony ny fahatezeran’i Davida sy ireo olony nirehitra.