Tadidinao Ve?

Hitanao ho misy vidiny azo ampiharina ho an’ny tenanao ve ireo nomerao faramparany tamin’ny Ny Tilikambo Fiambenana? Raha izany no izy, nahoana no tsy mitsapa ny fitadidianao amin’ireto fanontaniana manaraka ireto:

▫ Nahoana ny Vavolombelon’i Jehovah no manohy mitsidika ny mpiara-monina aminy?

Ta hahazo ny fitahian’Andriamanitra amin’ny alalan’ilay Fanjakana nampanantenaina ny Vavolombelon’i Jehovah, ary noho ny fitiavany ny mpiara-monina aminy dia tiany hahazo izany fitahiana izany izy ireo. Araka izany, amin’ny fanarahana ny ohatra navelan’i Jesosy, dia mahatsiaro ho voatosiky ny fitiavana tsy misy fitiavan-tena izy ireo mba hitsidika ireo mpiara-belona aminy. (Matio 6:9, 10; 22:37-39). — 15/8, pejy faha-9.

▫ Nahoana no raharaham-pinoana ny finoana ny amin’ny fivoarana miandalana?

Tsy nahita na oviana na oviana mutations (fiovana lalina sy tampoka eo amin’ny gènes) — na dia ireo mahasoa aza — izay miteraka endri-piainana vaovao ireo mpahay siansa, mihambo anefa izy ireo fa izany no fomba nisian’ireo karazana vaovao. Tsy vavolombelona nanatri-maso ny nipoiran’ny fiainana ho azy avy tamin’ny zavatra tsy manana aina ireo mpino ny fivoarana miandalana, nefa dia manizingizina izy ireo fa izany no fomba niandohan’ny fiainana. — 1/9, pejy faha-5.

▫ Ahoana no ahafahantsika mandresy tsara indrindra ny fahakiviana izay mety ho avy amin’ireo fameperana eo amin’ny fiainana?

Na inona na inona tarehin-javatra misy antsika, raha mifantoka amin’izay azontsika atao isika fa tsy sorena noho izay tsy azontsika atao, dia hahafa-po kokoa ny fiainana ary hahita fifaliana isika eo amin’ny fanompoana an’i Jehovah. (Salamo 126:5, 6). — 1/9, pejy faha-28.

▫ Inona avy no soa raisina avy amin’ny famelan-keloka?

Ny famelana ny hafa dia mampandroso ny fifandraisana tsara (Efesiana 4:32); tsy mitondra fihavanana amin’ny olona tahaka ny tena fotsiny izy io, fa fiadanana anaty koa (Romana 14:19; Kolosiana 3:13-15); ny famelana ny hafa dia manokatra ny lalana ho amin’ny famelan’Andriamanitra ny fahotantsika (Matio 6:14); izy io koa dia manampy antsika hitadidy fa mila famelan-keloka koa ny tenantsika. (Romana 3:23). — 15/9, pejy faha-7.

▫ Amin’ny ahoana ny ohatr’i Amosa mpaminany, no manampy antsika eo amin’ny asa fitoriana ataontsika?

Sahala amin’i Amosa, dia tsy manova na manatsatso ny hafatr’Andriamanitra isika. Ambarantsika amim-pankatoavana kosa izany, na toy inona na toy inona fihetsik’ireo mpihaino antsika. — 15/9, pejy faha-17.

▫ Toetra mampiavaka an’Andriamanitra inona avy no tokony hotahafintsika?

Ny roa lehibe amin’izany dia ny fahaizan’i Jehovah mandamin-javatra sy ny fahasambarany. (1 Korintiana 14:33; 1 Timoty 1:11, NW ). Mifandanja ireo toetran’Andriamanitra ireo, hany ka tsy atao ambony kokoa ilay toetra iray ka hitera-pahavoazana ho an’ilay iray hafa. — 1/10, pejy faha-10.

▫ Inona avy ireo fanaovan-javatra mandaitra narahin’ny ray aman-dreny mba hanampiana ireo zanany hanompo an’i Jehovah?

Fanalahidy lehibe iray ny fanombohana aloha. Ireo zavatra nanaitra ny saina voaray sy ireo lesona nianarana nandritra ny fotoana naha-zazakely dia haharitra mandritra ny androm-piainana. (Ohabolana 22:6). Zava-dehibe ny hampianarana azy ireo ny fankatoavana sy ny fanajana an’i Jehovah mbamin’ny fanompoam-pivavahana aminy, any amin’ireo fivoriana rehetra. Ireo ray aman-dreny mahita fahombiazana dia mianatra ny manamarika ireo fironana ratsy, ary manampy ireo zanany mba hanitsy izany. (Ohabolana 22:15). Farany, dia manomboha aloha eo amin’ny famerana zava-kendrena teokratika ho an’ny zanakao, dia zava-kendrena azony tratrarina amin’ny antonona. — 1/10, pejy faha-27-28.

▫ Endriny mampiavaka ny famelan’i Jehovah heloka inona no tokony hiezahantsika hampiharina?

Sady mamela heloka i Jehovah no manadino. (Jeremia 31:34). Sarotra amin’ny zavaboary olombelona ny manao izany. Ny maha-zava-dehibe ny fanaovana izany dia nantitranterin’i Jesosy, araka izay voarakitra an-tsoratra ao amin’ny Matio 6:14, 15. — 15/10, pejy faha-25-26.

▫ Inona avy ireo vato misakana telo amin’ny fahatongavantsika ho be fangoraham-po?

Noho ny maha-olombelona mpanota antsika, dia afaka ny hamaka mora foana ny fahatsapana fitsiriritana. Raha manjary mitsiriritra olona isika, ahoana no ahafahantsika hitondra azy amim-pangoraham-po miharo fitiavana? Ny fifampikasohana tsy ilaina amin’ny herisetra dia vato misakana hafa iray. Izany dia mety hahatonga antsika hirona tsy hihontsina amin’ny fahorian’ny hafa. Ankoatra izany, ny olona iray tsy mihevitra afa-tsy ny tenany koa dia azo inoana fa tsy hanana fangoraham-po. (1 Jaona 3:17). — 1/11, pejy faha-19, 20.

▫ Lesona inona avy no azontsika ianarana avy amin’ilay fitantarana ao amin’ny Soratra Masina momba an’i Joba?

Ilay fitantarana momba an’i Joba dia mahatonga antsika hahafantatra bebe kokoa ireo fomba fiasan’i Satana sady manampy antsika hahita ny fomba ifandraisan’ny fiandrianana eo amin’izao rehetra izao sy ny tsy fivadihan’ny olombelona. Sahala amin’i Joba, dia tsy maintsy hozahan-toetra izay rehetra tia an’Andriamanitra. Isika koa dia afaka miaritra toy ny nataon’i Joba sy manaporofo fa mpandainga i Satana ary mahazo ireo fitahian’ny Fanjakan’Andriamanitra. — 15/11, pejy faha-20.

▫ Ahoana no ahafahan’ny mpitari-draharaha amin’ny fitambaran-doholona mampiseho fanekena ny loholona tsirairay ho mendrika araka ny tokony ho izy?

Araka izay azo atao, ny mpitari-draharaha dia tokony hanome planina aloha be mba hamelana fotoana ho an’ireo loholona hafa hieritreretana amim-pitandremana sy amim-bavaka ny hevitra tsirairay natao lisitra. Mandritra ny fivorian’ireo loholona, dia hiezaka izy, tsy hamolavola ny fomba fihevitr’ireo loholona, fa hampirisika azy ireo kosa mba hampiseho “fahalalahana hiteny amim-pahatsorana” momba ireo raharaha dinihina. (1 Timoty 3:13, NW ). — 1/12, pejy faha-30.