“Ny Fitsidihako ny Efitrano Fanjakana”

I Laura,a mpianatra iray tany amin’ny oniversite, dia notendrena hanatrika fotoam-pivavahana iray sy hanao tatitra momba ny zavatra hitany. Nifidy ny Vavolombelon’i Jehovah izy, ary nomeny lohateny hoe “Ny Fitsidihako ny Efitrano Fanjakana”, ny lahatsoratra nosoratany. Inona no hitan’i Laura, izay mahatonga ireo Vavolombelona ho hafa? Anisan’ireo zavatra maro noresahiny ireto manaraka ireto.

Ankizy: “Miaraka ao amin’ny efitra iray ihany ny olon-dehibe sy ny ankizy rehetra. Tany amin’ny fiangonana rehetra nalehako, dia misaraka amin’ny ray aman-dreniny ny ankizy ary tsy maintsy manatrika Sekoly Alahady.”

Fifankahazoan’ny samy hafa firazanana: “Mazàna no olona mitovy firazanana na foko no alaina ho mpikambana ao amin’ny fiangonana. (...) Kanefa, ny Vavolombelon’i Jehovah dia niara-nipetraka avokoa, ary tsy nisy fitokotokoana.”

Toe-tsaina tia mandray olona: “Olona maro no nanatona ahy sy niresaka tamiko (...) Nisy mihitsy aza nanontany ahy raha niara-nianatra Baiboly tamin’ny olona iray aho. Kanefa, tsy nahatsapa ho noteren’izy ireo aho. Namela ahy hanapa-kevitra (...) izy ireo.”

Tsy misy fanantazan-drakitra: “Ny zavatra iray izay tena nahagaga ahy dia ny hoe tsy nisy olona nananty rakitra. (...) Na dia any amin’ny fianarana Sekoly Alahadin’ny ankizy aza, ireo fiangonana izay efa nandehanako dia nananty rakitra.”

Efa ho 90 000 ny isan’ny kôngregasiônan’ny Vavolombelon’i Jehovah maneran-tany. Nahoana raha mitsidika ilay akaiky indrindra anao?

[Fanamarihana ambany pejy]