Fomba fanaovan-javatra azo ampiharina mba hiomanana ho amin’ny asa fanompoana
1 Moa ve ianao indraindray misalasala handray anjara amin’ny lafiny sasany amin’ny asa fanompoana satria tsy mahalala izay holazaina? Raha izany no izy, dia mino izahay fa hankasitrahanao ny fomba fanaovan-javatra arahin’ny Ny Fanompoantsika ilay Fanjakana izao.
2 Manomboka amin’ity volana ity, Ny Fanompoantsika ilay Fanjakana dia hanolotra karazana fanipazan-kevitra betsaka kokoa ihany ho amin’ny fampisehoana ny hafatra momba ilay fanjakana, na eo amin’ny asa isan-trano izany, na amin’ny fiverenana mitsidika na amin’ny fampianarana Baiboly. Izy ireny dia tokony handrisika anao hieritreritra izay fomba fiteny ho tianao hampiasaina eo amin’ny fanompoana. Rehefa miomana ho amin’ny fanompoana ianao, dia mifidiana fampisehoana iray izay mifanentana tsara amin’ny faritaninao. Avy eo, dia fantaro raha hampiasa ilay fomba fiteny atolotr’ilay lahatsoratra mihitsy ianao na hampifanaraka ireo fomba fiteny amin’ny toe-javatra eo an-toerana na amin’ny toetranao. Mety ho toy ny raha miresaka ny fampisehoanao raha lazainao amin’ny fomba tsotra araka ny fomba fiteninao. Ho tianao ve ny hahita fomba hanitarana ny fanompoanao, angamba amin’ny fandraisana anjara voalohany amin’ny lafiny iray hafa? Ireo fanoloran-kevitra homena dia mety ho izay hilainao indrindra mba hanombohana amin’izany.
3 Raha mitarika iray amin’ireo fivorian’ny kongregasiona ho amin’ny asa fanompoana ianao, dia tokony hahafantatra tsara ilay fanazavana avoakan’ny Ny Fanompoantsika ilay Fanjakana. Ianaro tsara Ny Fanompoantsika ilay Fanjakana anao manokana, ary sariho ho amin’ireo fanoloran-kevitra izay azo inoana fa handaitra indrindra eo an-toerana, ny saina.
4 Tiantsika rehetra ireo zavatra ataontsika tsara. Ny fanantenanay dia ny hanampian’io fomba fanaovan-javatra azo ampiharina io ireo mpitory vaovao kokoa ary koa ireo mpitory za-draharaha kokoa hahita vokatra tsara sy ho faly eo am-panaovana ny fanompoana ilay Fanjakana.