Hiova ve ny Ora Fivorianareo?

Any amin’izay isian’ny kongregasiona maromaro mampiasa Efitrano Fanjakana iray ihany, ka mifanaraka mba hampifamadika na hanitsy ny ora fivoriana, izany dia tokony hatao amin’ny 1 Janoary. Ny fahavononana hiara-miasa amin’ilay fandaharana izay efa naorina dia mampiseho fifankatiavana sy fifanehoana fiheverana. Matetika ny fiovana eo amin’ny ora fivoriana dia ho tombontsoanao manokana, ka hahatonga ny fanatrehana fivoriana tsy hampananosarotra kokoa anao.

Etsy an-danin’izany, dia mety tsy hifanaraka tsara amin’ny fandaharam-potoananao ny fiovana hitranga amin’itỳ taona itỳ. Izany dia mety hitaky fanitsiana eo amin’ny fomba fiainanao mahazatra izay mety hanelingelina anao ihany. Ny fahavononan’ny tsirairay hiara-miasa dia mampiseho fankasitrahana ilay fandaharana amin’ny ankapobeny, izay hitondra soa hiombonan’ny rehetra voakasika.

Mazava ho azy fa ny fampifamadihana ny ora fivoriana manaraka dia mety ho araka ny tianao kokoa. Mandra-pahatongan’izany, dia ampirisihina ianao hanao ny fanitsiana manokana ilaina mba hahafahanao hanatrika ny fivoriana isan-kerinandro rehetra araka ny fandaharana notapahin’ny kongregasiona. Mikeleza aina mba hihazonana ny fomba fihevitr’i Davida mpanao salamo, izay nanambara hoe: “Faly aho, raha hoy izy ireo tamiko: Andeha isika ho any an-tranon’i Jehovah.” — Sal. 122:1.