Fampandrenesana

◼ Zavatra vita an-tsoratra hatolotra amin’ny Desambra: Fahalalana Izay Mitarika ho Amin’ny Fiainana Mandrakizay. Hisy ezaka manokana hatao mba hanolokoloana ny fahalianana hita tany amin’izay rehetra nametrahana boky, ka hanombohana fampianarana Baiboly any an-tokantrano. Ireo kongregasiona tsy manana io zavatra vita an-tsoratra io dia afaka mampiasa ny boky Hiaina Mandrakizay. Janoary: Fanolorana manokana ny Boky ho An’ny Sekolin’ny Fanompoana Teokratika miaraka amin’ny bokikely Ny Anaran’Andriamanitra Izay Haharitra Mandrakizay. Febroary: Ny Fanambarana — Akaiky ny fiafarany malaza! Martsa: Fahalalana Izay Mitarika ho Amin’ny Fiainana Mandrakizay. FANAMARIHANA: Ireo kongregasiona izay hila an’ireo zavatra hatolotra eny amin’ny asa fanompoana voalaza eo ambony ireo dia tokony hanafatra azy ireo amin’ny Taratasy Fanafarana Zavatra Vita An-tsoratra (S-14) halefany manaraka.

◼ Ny mpiandraikitra mpitantan-draharaha na ny olona iray notendreny dia tokony hanamarina ny toe-bolan’ny kongregasiona ny 1 Desambra na haingana araka izay azo atao aorian’izay. Manaova fampandrenesana amin’ny kongregasiona rehefa vita ilay izy.

◼ Ny Fahatsiarovana amin’ny 1997 dia ho amin’ny alahady 23 Martsa, aorian’ny filentehan’ny masoandro. Omena mialoha io daty fankalazana ny Fahatsiarovana amin’ny 1997 io, mba hahafahan’ireo rahalahy hanao ny famandrihan-toerana na ny fanekena ilaina ho an’ny efitrano azo ampiasaina, rehefa kongregasiona maromaro no mampiasa ny Efitrano Fanjakana ka tsy maintsy mitady trano hafa.

◼ Manomboka ny herinandron’ny 4 Desambra 1995, dia ilay bokikely hoe Ny Fanahin’ireo Maty no hianarana amin’ny Fianarana ny Bokin’ny Kongregasiona; manomboka ny herinandron’ny 15 Janoary 1996, dia ny bokikely Tena Miahy Antsika Ve Andriamanitra?, manomboka ny herinandron’ny 4 Martsa 1996, dia ny bokikely Inona no Zava-Kendren’ny Fiainana? ary hanomboka ny herinandron’ny 29 Aprily 1996, dia ilay boky hoe Fahalalana Izay Mitarika ho Amin’ny Fiainana Mandrakizay no hodinihina.

◼ Nanomboka tamin’ny nomeraon’ny 1 Aogositra 1995, Ny Tilikambo Fiambenana amin’ny fiteny pendjabi dia miara-mivoaka amin’ny hafa, indray mandeha isam-bolana.

◼ Ny fiteny albaney dia nanampy ireo fiteny amakiana ny Mifohaza! Izy io dia fanontana hivoaka inefatra isan-taona ary hanomboka amin’ny nomeraon’ny Janoary-Martsa 1996. Ny fanafarana gazety dia azo atao amin’ny alalan’ny kongregasiona. Mariho, aza fady, fa tsy misy fanaovana famandrihana amin’io gazety mivoaka inefatra isan-taona io.

◼ Efa ho vita izao ny CD-ROM vaovao, dia ny Watchtower Library — 1995 Edition. Hirakitra fandaharana nohavaozina izy io ary hiampy ireo zavatra vita an-tsoratra nivoaka nandritra ny 1995, 1994, ary 1979-1970. Hisy amin’ny fiteny alemanina sy espaniola ary italiana koa izy io. Ny fanafarana an’io CD io amin’ny fiteny iray na maromaro dia tokony hatolotra ny kongregasiona fara fahelany ny 15 Janoary 1996.