Fampandrenesana

◼ Zavatra vita an-tsoratra hampiasaina mandritra ny Jona: Fanolorana manokana: Azonao Atao ny Hiaina Mandrakizay ao Amin’ny Paradisa eto An-tany, amin’ny sarany 1500 FMG (1000 FMG no haloan’ny mpisava lalana). Jolay sy Aogositra: Fanolorana an’ireto bokikely telo ireto miaraka: “Indro, Havaoziko ny Zavatra Rehetra”, Ny Anaran’Andriamanitra Izay Haharitra Mandrakizay, sy Tokony Hino ny Trinite ve Ianao? Izy telo mitambatra dia 1 050 FMG, kanefa dia azo atao ny mametraka roa (700 FMG) na iray (350 FMG), arakaraka ny fahafahan’ilay tompon-trano. Septambra: Hampiasaina ny boky Hiaina Mandrakizay, ary tokony hisy ezaka hatao mba hanombohana fampianarana Baiboly any an-tokantrano. FANAMARIHANA: Ireo kongregasiona izay hila an’ireo zavatra hatolotra eny amin’ny saha fanompoana voalaza eo ambony ireo dia tokony hanafatra azy ireo amin’ny Taratasy Fanafarana Zavatra Vita An-tsoratra (S-AB-14) halefany manaraka.

◼ Ny mpiandraikitra mpitantan-draharaha na ny olona iray notendreny dia tokony hanamarina ny toe-bolan’ny kongregasiona ny 1 Jona na haingana araka izay azo atao aorian’izay. Manaova fampandrenesana amin’ny kongregasiona rehefa vita izany.