‘ Manohiza Mitombo Amin’ny Fahalalana Araka Ny Marina ’
Mitarika ho amin’ny fiainana mandrakizay ny fahalalana araka ny marina an’Andriamanitra. (Jaona 17:3). Tokony hanao izay rehetra azontsika atao isika mba hitomboana amin’ny fahalalana araka ny marina momba an’i Jehovah. (Kol. 1:9, 10, NW ). Manomboka amin’ny 29 Aprily, dia hianatra ny boky Fahalalana Izay Mitarika ho Amin’ny Fiainana Mandrakizay isika any amin’ny Fianarana ny Bokin’ny Kongregasiona. Tsy vitan’ny hoe hitombo ny fahazoantsika ny hevitry ny Tenin’Andriamanitra, fa ho voaomana tsaratsara kokoa isika mba hampianatra azy io amin’ny hafa. Ianao sy ny fianakavianao dia hahazo fitahiana raha miomana mialoha, raha manatrika sy mandray anjara isan-kerinandro, ary raha mampiasa io fanazavana io eo amin’ny fanompoana.