Fampandrenesana

◼ Zavatra atolotra amin’ny Aogositra: Na iza na iza amin’ireto bokikely 32 pejy ireto: “Indro, Havaoziko ny Zavatra Rehetra”, Inona no Zava-kendren’ny Fiainana? — Ahoana no mety Hahitana Azy Io?, Ny Anaran’Andriamanitra Izay Haharitra Mandrakizay, Ny Fanahin’ireo Maty, Rehefa Nody Mandry ny Olona Iray Tianao, Tena Miahy Antsika ve Andriamanitra? ary Tokony Hino ny Trinite ve Ianao? Septambra: Ny Tsiambaratelon’ny Fahasambaram-pianakaviana. Oktobra: Famandrihana amin’ny gazety Ny Tilikambo Fiambenana sy Mifohaza! Gazety tsirairay no atolotra raha lavina ny famandrihana. Manomboka amin’ny tapa-bolana faharoa dia hozaraina ny Vaovao Momba Ilay Fanjakana No. 35. Novambra: Hitohy ny fizarana ny Vaovao Momba Ilay Fanjakana No. 35. Ireo kongregasiona izay nahavita ny faritaniny, tamin’ny fizarana ny Vaovao Momba Ilay Fanjakana No. 35 tamin’ny tompon-trano rehetra ao amin’ny fonenana tsirairay, dia mahazo manolotra ny boky Fahalalana.

◼ Any amin’ny tany rehetra, ao anatin’ny taona, dia misy fetin’izao tontolo izao izay tsy andehanan’ny ankizy any am-pianarana sy ny mpiasa any am-piasana. Ireny dia fahafahana faran’izay tsara ampitomboan’ny kongregasiona ny fanompoany eny amin’ny saha. Tokony hahafantatra azy ireny mialoha ireo loholona, ka hampahafantatra mialoha be amin’ny kongregasiona ireo fandaharana hanaovana fitoriana miaraka, amin’ny fotoan’ny fety.

◼ Handefasana taratasy hofenoina ampy tsara hampiasaina mandritra ny taom-panompoana 1998 ny kongregasiona tsirairay. Iangaviana ianareo mba hampiasa amim-pahendrena ireny taratasy ireny. Tsy tokony hampiasaina afa-tsy amin’izay nikendrena azy ihany izy ireny.

◼ Haharay taratasy Filazana ny Isan’ny Zavatra Vita An-tsoratra (S-18) telo avy ny kongregasiona tsirairay. Ny mpitan-tsoratry ny kongregasiona dia tokony hihaona amin’ny mpikarakara ny boky eo am-piandohan’ny Aogositra, ka hametra daty any amin’ny faran’ny volana, hanisana ny zavatra vita an-tsoratra ao amin’ny tahirin’ny kongregasiona. Tsy maintsy atao ny kaonty marin’ny zavatra vita an-tsoratra rehetra ao amin’ny tahiry, ary ireo tontalin’isa dia tsy maintsy ampidirina ao amin’ny Filazana ny Isan’ny Zavatra Vita An-tsoratra. Azo angatahina amin’ny mpikarakara ny gazety ny tontalin’isan’ny gazety eo am-pelatanana. Hiorina amin’ny filazana momba ny toetran’ny kaonty, Aogositra 1997, ny famenoana ny taratasy S-18. AZA mampiasa filazana hafa hamenoana ny S-18. Halefanay miaraka ny taratasy S-18 sy ny filazana momba ny toetran’ny kaonty Aogositra 1997. Iangaviana ianareo mba handefa amin’ny paositra atỳ amin’ny Fikambanana ny “original”, fara fahelany ny 6 Septambra. Raha tara vao tonga ny taratasinareo S-18, izany hoe aorian’ny 6 Septambra 1997, dia fenoy haingana araka izay azo atao, aorian’ny naharaisanareo azy, aza fady, ary alefaso atỳ amin’ny sampana. Iangaviana ianareo hampahafantatra ny sampana, raha mbola tsy voarainareo hatramin’ny 15 Septambra 1997 ny taratasinareo S-18. Mariho, aza fady, fa tsy handefa ny fanafarana zavatra vita an-tsoratra ho an’ireo kongregasiona mbola tsy nahatonga ny taratasiny S-18, hatramin’ny 30 Septambra 1997, ny sampana. Mitahiriza copie carbone iray ho an’ny tahirin-taratasinareo. Ilay taratasy fahatelo dia azonareo ampiasaina ho toy ny taratasy fiasana. Tokony ho eo ambany fanaraha-mason’ny mpitan-tsoratra no hanaovana ilay fanisana, ary hohamarinin’ny mpiandraikitra mpitantan-draharaha ilay taratasy nofenoina. Hanao sonia ilay taratasy nofenoina ny mpitan-tsoratra sy ny mpiandraikitra mpitantan-draharaha.

◼ Tokony hanomboka hanafatra ny Kalandrien’ny Vavolombelon’i Jehovah 1998 miaraka amin’ny fanafarany zavatra vita an-tsoratra ho an’ny Septambra, ireo kongregasiona. Hisy kalandrie amin’ny teny anglisy sy frantsay ary malagasy.

◼ Manomboka ny 11 Aogositra 1997 ka hatramin’ny 16 Aogositra 1997, ny Betela dia hanao fanisana ny zavatra vita an-tsoratra rehetra eo am-pelatanany. Noho izany, dia tsy hisy fandefasana amin’ny paositra na fizarana mivantana zavatra vita an-tsoratra mandritra ireo andro ireo.