Famerenana An-tsoratra Amin’ny Sekolin’ny Fanompoana Teokratika
Famerenana tsy misy fijerena boky, miorina amin’ireo hevitra voadinika tamin’ireo anjara natao tamin’ny Sekolin’ny Fanompoana Teokratika nanomboka ny herinandron’ny 5 May ka hatramin’ny herinandron’ny 18 Aogositra 1997. Mampiasà taratasy hafa hanoratana ny valiny ho an’ny fanontaniana betsaka araka izay azonao atao ao anatin’ny fotoana omena hanaovana izany.
[Fanamarihana: Mandritra ny famerenana an-tsoratra, dia ny Baiboly ihany no azo ampiasaina mba hamaliana ireo fanontaniana rehetra. Natao ho an’ny fikarohanao manokana ny fanondroam-pejy eo aorian’ireo fanontaniana. Mety tsy hiseho miaraka amin’ny fanondroana rehetra momba Ny Tilikambo Fiambenana ny nomeraon’ny pejy sy ny fehintsoratra.]
Valio hoe Marina na Diso ireto fanambarana manaraka ireto:
1. Ny fangoraham-pon’i Jesosy aseho ao amin’ny Marka 1:41, dia mampiseho sary mampihetsi-po ny amin’ny fiahian’i Jehovah ny olona. [Famakiana Baiboly isan-kerinandro; jereo wMG 1/3/96 p. 5.]
2. Ireo lafin-javatra manamarika ny andro farany dia tsy hita afa-tsy ao amin’ny Matio 24, sy Marka 13, ary Lioka 21. [kl p. 102 faritra voafefy]
3. Ilay fanontanian’i Jaona Mpanao batisa hita ao amin’ny Lioka 7:19 dia mampiharihary fa tsy ampy finoana izy. [Famakiana Baiboly isan-kerinandro; jereo wMG 1/4/87 p. 16.]
4. Tamin’ny Paska farany niarahan’i Jesosy tamin’ny mpianany, dia i Petera ihany no nilaza taminy hoe: “Tsy mba handa tokoa anao aho”. [Famakiana Baiboly isan-kerinandro]
5. Tsy misy porofo ara-baiboly milaza fa nanambady ny apostoly Petera. [Famakiana Baiboly isan-kerinandro]
6. Ilay Fanjakana notorin’i Jesosy dia manarakaraka, na hoe mitana ny toerana faharoa aorian’ny fiandrianan’Andriamanitra eo amin’izao rehetra izao. [kl p. 91 feh. 4]
7. Azo inoana fa nanoratra ny Filazantsarany ho an’ireo Jiosy, voalohany indrindra, i Marka. [si p. 182 feh. 8]
8. Rehefa nilaza tamin’ireo Fariseo i Jesosy fa teo anivon’izy ireo ny Fanjakan’Andriamanitra, dia niresaka momba ny tenany ho toy ilay Mpanjaka ho avy izy. (Lioka 17:21). [kl p. 91 feh. 6]
9. Tsy misy fanazavana marim-pototra momba ny hoe nahoana ny bokin’i Lioka no mirakitra voambolana izay betsaka kokoa noho ny an’ireo Filazantsara telo hafa mitambatra. [si p. 187 feh. 2]
10. Tsy misy firesahana ny amin’ireo lafin-toetra izay tsy maintsy asehon’ireo olona betsaka mba hahatafitana velona ao Haramagedona, ao amin’ny Baiboly. [uw p. 105 feh. 5]
Valio ireto fanontaniana manaraka ireto:
11. Isaky ny misy andalan-teny ao amin’ny Baiboly azo adika amin’ny fomba ara-pitsipi-pitenenana mihoatra ny iray, fotopoto-pitsipika inona no tokony harahin’ny mpandika teny? [rs p. 399 feh. 3]
12. Inona no manakana ny olona sasany tsy hanaiky torohevitra? [uw p. 127 feh. 4]
13. Manao ahoana ny toerana misy ireo izay mino ka mifikitra amin’ny Trinite? [rs p. 408 feh. 3]
14. Inona no tian’i Jesosy holazaina rehefa nilaza izy hoe: “Aoka hisy sira ao anatinareo, ka mihavàna tsara hianareo”? (Marka 9:50). [Famakiana Baiboly isan-kerinandro; jereo wMG 15/8/85 p. 21 feh. 12.]
15. Fianarana sarobidy inona no azontsika ianarana avy amin’ny fihetsik’i Jesosy teo anoloan’ny fanomezana kely nataon’ilay vehivavy mpitondratena? (Marka 12:42-44). [Famakiana Baiboly isan-kerinandro; jereo wMG 1/3/88 p. 29 feh. 7–p. 30 feh. 1.]
16. Amin’ny ahoana ny sasany amin’ireo toetra nampiavaka an’i Petera no hita ao amin’ny fomba fanoratr’i Marka, ary inona no mety hanazava izany? [si p. 182 feh. 5-6]
17. Raha ampitahaintsika ny Matio 6:9, 10 sy ny Lioka 11:2-4, nahoana no mety ny hanatsoahantsika hevitra fa ilay vavaka modely dia tsy natao haverimberina ara-bakiteny? [Famakiana Baiboly isan-kerinandro; jereo wMG 15/8/90 p. 16 feh. 6.]
18. Amin’ny ahoana no mihamatanjaka ny fatokiantsika ny maha-azo itokiana ny Baiboly rehefa mamaky ny andinin-teny toy ny Lioka 3:1, 2 isika? [si p. 188 feh. 7]
19. Andinin-teny inona avy ao amin’ny Salamo sy ny Hebreo no mampiseho fa tsy nanomboka nanapaka avy hatrany i Jesosy taorian’ny niakarany ho any an-danitra? [kl p. 96 feh. 15]
20. Koa satria fantatsika fa tsy hoe tsy ampy finoana an’Andriamanitra mihitsy i Jesosy, nahoana izy no niantsoantso hoe: “Andriamanitro ô, Andriamanitro ô, nahoana no dia mahafoy Ahy Hianao?” (Marka 15:34). [Famakiana Baiboly isan-kerinandro; jereo wMG 15/9/87 p. 31.]
Omeo ny teny na ny fitambaran-teny ilaina mba hamenoana ny tsirairay amin’ireto fanambarana ireto:
21. Ny mofo sy ny divay ampiasaina amin’ny fankalazana ny Fahatsiarovana dia _________________________ fotsiny, ka ilay mofo dia mampiseho ny _________________________ ary ny divay dia mampiseho ny _________________________. [uw p. 115 feh. 13]
22. Rehefa mandinika izay tena niseho isika, dia toa miharihary fa ny fiantsoana ho any an-danitra, amin’ny ankapobeny, dia efa vita tany amin’ny taona _________________________ tany ho any, rehefa takatra mazava tsara ny fanantenan’ny _________________________ ho eto an-tany. [uw p. 112 feh. 6]
23. Fony nanomboka nitory i Jaona Mpanao Batisa, dia i _________________________ no governora tany Jodia ary i _________________________ no mpanapaka tany Galilia. [Famakiana Baiboly isan-kerinandro; jereo Lioka 3:1.]
24. Ny fanahy izay manambara amin’ny hery manosika ny saina sy ny fon’ireo tena zanak’Andriamanitra dia ny _________________________. [uw p. 113 feh. 9]
25. Araka ny voalaza ao amin’ny Lioka 10:16, rehefa manaiky amim-pankasitrahana ireo fandaharana ara-panahy azo amin’ny alalan’ny _________________________ sy ny Fitambara-mpitantana ao aminy isika, dia mampiseho fa maneho fanajana an’i _________________________. [uw p. 123 feh. 13]
Fanteno izay valin-teny marina ao amin’ny tsirairay amin’ireto fanambarana manaraka ireto:
26. Ireo olona masina resahina ao amin’ny Matio 27:52 dia (natsangana tao amin’ny nofo vetivety; raha ny marina dia vatana tsy nisy aina voatsipy avy tao am-pasany noho ilay horohoron-tany; natsangana ho amin’ny fiainana any an-danitra talohan’i Jesosy). [Famakiana Baiboly isan-kerinandro; jereo wMG 1/12/90 p. 7.]
27. Ao amin’ny Kolosiana 1:15, i Jesosy dia antsoina hoe “Lahimatoa talohan’izao zavatra ary rehetra izao”, izay midika fa izy dia (tahaka an’Andriamanitra ka tsy manam-piandohana; ny lahimatoa amin’ny zanak’Andriamanitra eto an-tany; ny zokiny indrindra amin’ny zanak’i Jehovah rehetra). [rs p. 391 feh. 2]
28. Ny fanendrena ny “mpanompo mahatoky sy malina” dia nohamafisin’ny fanahy masina tamin’ny taona (33 am.f.i.; 1918; 1919). (Matio 24:45, NW ). [uw p. 119 feh. 6]
29. Ny fitsipika iray tokony harahin’ny Kristiana rehetra, indrindra fa ireo izay mitana ny toeram-piandraiketana ao amin’ny fandaminan’Andriamanitra, dia ny hoe: “Izay mitondra tena toy ny (miavonavona; lehibe; kely indrindra) eo aminareo, dia izy no lehibe.” (Lioka 9:48, NW ). [uw p. 122 feh. 12]
30. Araka ny voarakitra an-tsoratra ao amin’ny (Matio 10; Matio 24; Lioka 21), i Jesosy dia nanome toromarika momba ny fanompoana, ho an’ireo izay nirahiny hitory. [si p. 181 feh. 31]
Ampifanandrifio amin’ireo fanambarana voatanisa eto ambany ireto andinin-teny manaraka ireto:
Ohab. 4:13; Dan. 7:9, 10, 13, 14; Marka 7:20-23; 13:10; Lioka 8:31
31. Tokony ho mailo isika hamantatra izay hery mitaona rehetra tsy araka an’Andriamanitra na mandoto mety ho tonga ao an-tsaintsika na ao am-pontsika, ary tokony hanaisotra azy io isika, alohan’ny hamakany. [Famakiana Baiboly isan-kerinandro; jereo 1/2/90 p. 14 feh. 16.]
32. Ireo demonia dia hiaraka amin’i Satana ao amin’ny tsy fanaovana na inona na inona toy ny amin’ny fahafatesana, mandritra ny “arivo taona”. (Apok. 20:3). [Famakiana Baiboly isan-kerinandro]
33. Ilaina ny toe-tsaina mahatsapa fahadodonana mba hanatanterahana ao anatin’ny fotoana voafetra ilay asa fanambarana maneran-tany. [Famakiana Baiboly isan-kerinandro; jereo wMG 1/10/95 p. 27.]
34. Afaka miaro antsika tsy hilaza na hanao zavatra izay mety hanenenantsika, ny fanekena torohevitra. [uw p. 128 feh. 6]
35. Na dia tsy afaka mahita ireo zavaboary ara-panahy aza isika, ny Tenin’i Jehovah dia manome antsika fahitana kely momba ny fandaminany any an-danitra tsy hita maso ary momba ny sasany amin’ny asany izay misy vokany eo amin’ireo mpivavaka aminy eto an-tany. [uw p. 117 feh. 1]