Fampandrenesana

◼ Zavatra atolotra amin’ny Aogositra: Na iza na iza amin’ireto bokikely 32 pejy ireto. Boky Iray ho An’ny Olona Rehetra, Tena Miahy Antsika ve Andriamanitra?, Tokony Hino ny Trinite ve Ianao? Septambra: Ny Bokiko Misy Fitantarana avy ao Amin’ny Baiboly. Oktobra: Gazety Ny Tilikambo Fiambenana sy Mifohaza! Azo atao ny manolotra famandrihana, rehefa liana ilay olona, amin’ny fiverenana mitsidika. Manomboka amin’ny tapa-bolana faharoa dia hozaraina ny Vaovao Momba Ilay Fanjakana No. 36, “Ny Taonarivo Vaovao — Inona no Ampanantenain’ny Hoavy ho Anao?” Novambra: Hitohy ny fizarana ny Vaovao Momba Ilay Fanjakana No. 36. Ny kongregasiona izay nahavita ny faritaniny ka nanome ny tompon-trano tao amin’ny trano na ny fonenana tsirairay,ny Vaovao Momba Ilay Fanjakana No. 36, dia afaka manolotra ny bokikely Takina na ny boky Fahalalana. Raha efa manana an’ireo ilay olona, dia azo ampiasaina ny boky Hiaina Mandrakizay na ny boky Création.

◼ Ny mpiandraikitra mpitantan-draharaha, na izay notendreny, dia tokony hanamarina ny kaontin’ny kongregasiona amin’ny 1 Septambra, na haingana araka izay azo atao aorian’izay. Rehefa vita ilay izy, dia anaovy fampandrenesana ho an’ny kongregasiona, rehefa avy novakina ny tatitra momba ny kaonty manaraka.

◼ Tokony hanomboka hanafatra ny Kalandrien’ny Vavolombelon’i Jehovah 2001, miaraka amin’ny fanafarany zavatra vita an-tsoratra ho an’ny Septambra, ireo kongregasiona. Hisy kalandrie amin’ny teny anglisy sy frantsay ary malagasy.

◼ Handefasana taratasy hofenoina ampy tsara hampiasaina mandritra ny taom-panompoana 2001 ny kongregasiona tsirairay. Iangaviana ianareo mba hampiasa amim-pahendrena ireny taratasy ireny. Tsy tokony hampiasaina afa-tsy amin’izay nikendrena azy ihany izy ireny.

◼ Ny fanaovana fanisana isan-taona ny zavatra vita an-tsoratra rehetra eo am-pelatanana dia tokony hatao amin’ny 31 Aogositra 2000, na akaikin’io araka izay azo atao. Io fanisana io dia mitovy amin’ny kaonty marina ataon’ny mpandrindra ny boky isam-bolana, ary ireo tontalin’isa dia tokony hampidirina ao amin’ny taratasy Filazana ny Isan’ny Zavatra Vita An-tsoratra (S-18). Azo angatahina amin’ny mpikarakara ny gazety, ao amin’ny kongregasiona tsirairay miray Efitrano Fanjakana, ny tontalin’isan’ny gazety eo am-pelatanana. Haharay taratasy Filazana ny Isan’ny Zavatra Vita An-tsoratra (S-18) telo avy ny kongregasiona mpandrindra tsirairay. Mba alefaso amin’ny paositra atỳ amin’ny Fikambanana, aza fady, ny original, fara fahelany, ny 6 Septambra. Mitahiriza kopia karbônina iray ho an’ny tahirin-taratasinareo. Ilay kopia fahatelo dia azo ampiasaina ho toy ny taratasy fiasana. Tokony hanara-maso ilay fanaovana fanisana ny mpitan-tsoratry ny kongregasiona mpandrindra. Hanao sonia ilay taratasy nofenoina ny mpitan-tsoratra sy ny mpiandraikitra mpitantan-draharahan’ny kongregasiona mpandrindra.

◼ Manomboka ny 29 Aogositra ka hatramin’ny 31 Aogositra 2000, ny Betela dia hanao fanisana ny zavatra vita an-tsoratra rehetra eo am-pelatanany. Noho io fanisana io, dia tsy hisy fanafarana zavatra vita an-tsoratra avy amin’ny kongregasiona halefa na horaisina mandritra ireo andro ireo.

◼ Zavatra vita an-tsoratra misy ao amin’ny tahiry indray:

Indeksan’ny Zavatra Vita An-tsoratry ny Watch Tower 1986-1995 — frantsay