Famerenana An-tsoratra Amin’ny Sekolin’ny Fanompoana Teokratika

Famerenana tsy misy fijerena boky, miorina amin’ireo hevitra voadinika tamin’ireo anjara natao tamin’ny Sekolin’ny Fanompoana Teokratika nanomboka ny herinandron’ny 1 May ka hatramin’ny 21 Aogositra 2000. Mampiasà taratasy hafa hanoratana ny valiny ho an’ny fanontaniana betsaka araka izay azo atao ao anatin’ny fotoana omena hanaovana izany.

[Fanamarihana: Mandritra ny famerenana an-tsoratra, dia ny Baiboly ihany no azo ampiasaina mba hamaliana ireo fanontaniana rehetra. Natao ho an’ny fikarohanao manokana ny fanondroam-pejy eo aorian’ireo fanontaniana. Mety tsy hiseho miaraka amin’ny fanondroana rehetra momba Ny Tilikambo Fiambenana ny nomeraon’ny pejy sy ny fehintsoratra.]

Valio hoe Marina na Diso ireto fanambarana manaraka ireto:

1. Ny valin-tenin’i Gideona tamin’ny levilevy tsy ara-drariny nataon’ireo lehilahy teo amin’ny Efraima, dia nampiseho taratry ny fahalemem-panahin’i Gideona sy ny fanetren-tenany, ka noho izany dia nampisinda ilay fanakianana tsy ara-drariny nataon’izy ireo, sady nitandro ny fihavanana. (Mpits. 8:1-3). [Famakiana Baiboly isan-kerinandro]

2. Na dia nilaza aza i Manoa hoe ‘efa nahita an’Andriamanitra isika’, dia ny mpitondra tenin’Andriamanitra manokana nitafy nofo no hitan’izy mivady, raha ny tena izy, fa tsy ny tenan’i Jehovah akory. (Mpits. 13:22). [Famakiana Baiboly isan-kerinandro; jereo wMG 15/8/88 p. 23 feh. 3.]

3. Ao amin’ny Mpitsara 5:31, dia manondro ara-paminaniana ireo mpandova ilay Fanjakana 144 000 ilay teny hoe “izay tia Azy”. [si p. 50 feh. 28]

4. Tsy nahitana tapany tamin’ny bokin’i Rota tao amin’ireo Horonam-bokin’ny Ranomasina Maty. [si p. 51 feh. 3]

5. Manondro fe-potoana tsy nanomezan’i Jehovah tari-dalana mihitsy ho an’ny firenen’ny Isiraely, ny Mpitsara 21:25. [Famakiana Baiboly isan-kerinandro; jereo wMG 15/6/95 p. 22 feh. 16.]

6. Ny sarin’ireo kerobima teo ambonin’ny fiaran’ny fanekena dia famantarana ny fanatreham-piandrianan’i Jehovah, izay voalaza ho “mipetraka amin’ny [na, “eo anelanelan’ny”, NW, f.a.p.] kerobima”. (1 Sam. 4:4). [Famakiana Baiboly isan-kerinandro; jereo wMG 1/5/81 p. 29 feh. 2.]

7. Rehefa nihinan-dra tao anatin’ny toe-javatra nampamoy fo ireo miaramilan’i Saoly, ka tsy voasazy, dia nasehon’izany fa mety hisy antony azo anamarinana ny tsy firaharahana vetivety ny lalàn’Andriamanitra, mba hiarovana ny ain’ny tena. (1 Sam. 14:24-35). [Famakiana Baiboly isan-kerinandro; jereo wMG 15/4/94 p. 31 feh.7-9.]

8. Na dia ampifandraisin’ny sasany amin’ny hoe fanararaotana sy ny fametsifetsena aza ny hoe “fandresen-dahatra”, dia azo ampiasaina amin’ny heviny tsara io teny io, mba hampitana ilay hevitra hoe mampiaiky ka mitondra fiovana eo amin’ny saina, amin’ny alalan’ny fanjohian-kevitra marim-pototra sy lojika. (2 Tim 3:14, 15). [wMG 15/5/98 p. 21 feh. 4]

9. Ny hoe “fehin’aina”, na “kitapon’aina” (NW ), dia manondro fiarovan’Andriamanitra sy fitahirizany, izay ho nitondra soa ho an’i Davida, raha nanalavitra ny fahatongavana ho meloka ho mpandatsa-dra teo imason’Andriamanitra izy. (1 Sam. 25:29). [Famakiana Baiboly isan-kerinandro; jereo wMG 15/9/91 p. 14 feh. 3.]

10. Nilazalaza akaiky kokoa ny fiaviana nitarika ho amin’ilay Taranaka, dia ny Mesia, ilay fanekena ny amin’ilay Fanjakana natao tamin’i Davida, voalaza ao amin’ny 2 Samoela 7:16, ary nanome antoka ara-dalàna fa hisy avy amin’ny taranak’i Davida hanjaka “mandrakizay”. [Famakiana Baiboly isan-kerinandro; jereo wMG 1/5/89 p. 14 feh. 21, 22.]

Valio ireto fanontaniana manaraka ireto:

11. Inona no fanomezan-toky omena ao amin’ny Salamo 34:18? [wMG 1/4/98 p. 31 feh. 2]

12. Inona no notondroin’ny nanomezana an’i Josefa ilay solon’anarana hoe Barnabasy? (Asa. 4:36). [wMG 15/4/98 p. 20 feh. 3, f.a.p.]

13. Nahoana no mitantara ny Baiboly fa ny zanany no nomen’i Ely voninahitra nihoatra noho i Jehovah? (1 Sam. 2:12, 22-24, 29). [Famakiana Baiboly isan-kerinandro; jereo wMG 15/9/96 p. 13 feh. 14.]

14. Nahoana ny bokin’i Rota no tokony hanamafy ny fatokisantsika ireo fampanantenana momba ilay Fanjakana? [si p. 53 feh. 10]

15. Araka ny 1 Samoela 1:1-7, ohatra miavaka inona no navelan’ny fianakavian’i Samoela? [Famakiana Baiboly isan-kerinandro; jereo wMG 1/3/98 p. 16 feh. 12.]

16. Amin’ny heviny ahoana no azo lazaina fa ‘mamitaka ny harena’? (Matio 13:22). [wMG 15/5/98 p. 5 feh. 1]

17. Ahoana no nampisehoan’i Jonatana, izay zokin’i Davida tamin’ny taona, fa nanaiky an’i Davida ho voahosotr’i Jehovah izy, ary tandindon’ny inona izany ankehitriny? (1 Sam. 18:1, 3, 4). [Famakiana Baiboly isan-kerinandro; jereo wMG 1/4/89 p. 24 feh. 4, p. 26 feh. 13.]

18. Na dia “marina sy mahitsy” aza i Joba, ahoana no ampisehoan’ny bokin’i Joba fa tsy midika akory izany hoe tonga lafatra izy? (Joba 1:8). [wMG 1/5/98 p. 31 feh. 1]

19. Inona no tiana holazaina amin’ilay teny hoe “miseseha”? (Lioka 13:24). [wMG 15/6/98 p. 31 feh. 1, 4]

20. Rehefa miara-miasa amin’ny hafa isika, inona no lesona sarobidy azontsika raisina am-po, araka ny voasoratra ao amin’ny 2 Samoela 12:26-28? [Famakiana Baiboly isan-kerinandro; jereo wMG 1/12/93 p. 19 feh. 19.]

Omeo ny teny na ny fitambaran-teny ilaina mba hamenoana ny tsirairay amin’ireto fanambarana manaraka ireto:

21. Ny fanamelohan’i Jehovah mafy ny fanompoam-pivavahana tamin’i Bala dia tokony hanosika antsika hisaraka tanteraka amin’izay mifanitsy amin’izy io amin’izao andro maoderina izao, dia ny __________________________, ny __________________________, ary ny __________________________. (Mpits. 2:11-18). [si p. 50 feh. 26]

22. Tamin’ny andron’i Samoela no nifaranan’ny fe-potoana nanapahan’ireo __________________________, ary nanombohan’ny fe-potoana nanjakan’ny __________________________, dia fe-potoana namoizan’ny Isiraely ny fankasitrahan’i Jehovah tamin’ny farany. [si p. 53 feh. 1]

23. Ny anaran’Andriamanitra hoe Jehovah dia midika hoe “__________________________”, ary milaza tsy mivantana fa afaka manao izay anjara asa ilaina izy, na inona izany na inona, mba hanatanterahana ny __________________________. [wMG 1/5/98 p. 5 feh. 3]

24. Samy tsy nahomby na i Ely na i Saoly, noho irỳ voalohany __________________________, ary ity faharoa nanao zavatra __________________________. [si p. 57 feh. 27]

25. Asehon’ilay fanoharan’i Jesosy momba ilay Samaritanina tsara fanahy fa tsy vitan’ny hoe mankatò ny __________________________ Andriamanitra fotsiny ny olona iray tena mahitsy, fa manahaka ny __________________________ koa. (Lioka 10:29-37). [wMG 1/7/98 p. 31 feh. 2]

Fanteno izay valin-teny marina ao amin’ny tsirairay amin’ireto fanambarana manaraka ireto:

26. Ny fetezan’ny (fahendren’i; herin’i; fitiavan’i) Jehovah mitatra, dia hita tamin’ny nifidianany an’i (Rota; Naomy; Orpa) moabita, izay mpivavaka tamin’i (Bala; Kemosy; Dagona) taloha, nefa niova ho amin’ny fivavahana marina, mba ho tonga iray tamin’ireo razamben’i Jesosy Kristy. (Matio 1:3, 5, 16). [si p. 51 feh. 1]

27. Nifarana ny fe-potoana nanapahan’ireo mpitsara teo amin’ny Isiraely, fony i (Samoela; Davida; Saoly) voahosotra ho mpanjaka, ary naharesy ny (Amonita; Moabita; Filistina), fotoana fohy taorian’izay, noho ny fanohanan’i Jehovah. (1 Sam. 11:6, 11). [Famakiana Baiboly isan-kerinandro; jereo wMG 15/12/95 p. 9 feh. 2–p. 10 feh. 1.]

28. (Ny apostoly Paoly; ny rainy; ny reniny sy ny renibeny) no nitari-dalana teo amin’ny fanabeazana an’i Timoty tamin’ny “Soratra Masina”, ka nahita azy tonga misionera sy mpiandraikitra tena tsara. (2 Tim. 3:14, 15; Fil. 2:19-22). [wMG 15/5/98 p. 8 feh. 3–p. 9 feh. 4]

29. Ny fanompoana nataon’i (Davida; Samoela; Jonatana), fony izy zatovo, dia tokony hampirisika ny tanora hiditra ao amin’ny fanompoana amin’izao andro izao, ary ny fanohizany tsy nisy fitsaharana hatramin’ny faran’ny fiainany, dia tokony hanohana ireo reraka noho ny fahanterana. [si p. 58 feh. 30]

30. Ny fe-potoana voafaoka ao amin’ny 2 Samoela dia nanomboka tamin’ny (1077 al.f.i. ka hatramin’ny 1040 al.f.i. tany ho any; 1077 al.f.i. ka hatramin’ny 1037 al.f.i. tany ho any; 1070 al.f.i. ka hatramin’ny 1040 al.f.i. tany ho any). [si p. 59 feh. 3]

Ampifanandrifio amin’ireo fanambarana voatanisa eto ambany ireto andinin-teny manaraka ireto:

Mpits. 11:30, 31; 1 Sam. 15:22; 30:24, 25; 2 Mpanj. 6:15-17; Jak. 5:11

31. Manome toky i Jehovah fa hampiasa ny tafiny any an-danitra izy mba hiarovana ny vahoakany, araka ny sitrapony. [wMG 15/4/98 p. 29 feh. 5]

32. Manana andraikitra hankatò ny fifanarahana nataony ireo mpiandraikitra ao amin’ny kongregasiona, na dia mety hampanaintaina sady hamoizany be aza izany indraindray. [wMG 15/9/99 p. 10 feh. 3-4]

33. Mitondra valisoa lehibe avy amin’i Jehovah Andriamanitra ny fihazonana tsy fivadihana ao anatin’ny fisedrana. [wMG 1/5/98 p. 31 feh. 4]

34. Ny fitiavana marina an’Andriamanitra dia mitaky fankatoavana ny toro lalana omeny, fa tsy fanolorana fanatitra ho azy fotsiny. [Famakiana Baiboly isan-kerinandro; jereo wMG 15/6/96 p. 5 feh. 1.]

35. I Jehovah dia mankasitraka tokoa an’ireo izay manompo amin’ny fitondrana ny fanohanan’izy ireo ao anatin’ny fandaminany ankehitriny. [Famakiana Baiboly isan-kerinandro; jereo wMG 1/12/86 p. 28 feh. 4.]