Fandaharana Amin’ny Fivoriana Momba ny Fanompoana
FANAMARIHANA: Hisy fandaharana ho an’ny Fivoriana Momba ny Fanompoana isan-kerinandro ato amin’ny Fanompoantsika Ilay Fanjakana, mandritra ny Jolay ka hatramin’ny Septambra. Mety hanao izay fanitsiana ilainy ny fiangonana mba hanatrehana ny Fivoriamben’ny Vondrom-paritra “Mpitory Ilay Fanjakana Mazoto.” Ampiasao ny 15 minitra amin’ny Fivoriana Momba ny Fanompoana farany, alohan’ny fivoriambe, raha mety, mba hijerena indray torohevitra mifanentana amin’io fivoriambe io avy ao amin’ny takelaka fanampiny amin’ny Fanompoantsika Ilay Fanjakana volana Mey. Hisy Fivoriana Momba ny Fanompoana natao hamerenana ireo hevi-dehibe tamin’ny fivoriambe, amin’ny Oktobra. Afaka mandray an-tsoratra ireo hevi-dehibe isika rehetra any amin’ny fivoriambe, mba hiomanana ho amin’io famerenana io. Azontsika raisina koa ireo hevitra tiantsika hampiharina eo amin’ny fiainantsika sy ny fanompoantsika. Amin’izay isika dia ho afaka hanazava ny fomba nampiharantsika ireo fanoloran-kevitra re tany amin’ny fivoriambe. Hifampahery isika raha samy mitantara ny soa noraisintsika avy tamin’ilay fampianarana tsara azontsika.
Herinandron’ny 8 Jolay
15 min: Fampandrenesana eo an-toerana. Fampandrenesana nofantenana avy ato amin’ny Fanompoantsika Ilay Fanjakana. Manaova fampisehoana roa samy hafa momba ny fametrahana Ny Tilikambo Fiambenana 1 Jolay sy ny Mifohaza! 8 Jolay, araka ny fanoloran-kevitra eo amin’ny pejy 4.
10 min: “Mamaky Teny ho An’ny Zanakao ve Ianao?” Miorina amin’ny Mifohaza! 8 Desambra 2001, pejy 16-18. Lahateny ataon’ny anti-panahy.
20 min: Manaova Fandaharana mba Hitoriana Tsy Ara-potoana. Fiaraha-midinika amin’ny mpanatrika ny boky Ny Fanompoantsika, pejy 94, 95. Manaova fampisehoana fohy roa na telo ny amin’ny fomba hitoriana tsy ara-potoana amin’ny vahiny, ny mpiara-monina, ny havana, na ny olom-pantatra. Ampiasao ny fanoloran-kevitra eo amin’ny pejy voalohany amin’ny takelaka fanampiny amin’ny Fanompoantsika Ilay Fanjakana Janoary 2002.
Herinandron’ny 15 Jolay
10 min: Fampandrenesana eo an-toerana. Tatitra momba ny kaonty.
15 min: Zavatra ilaina eo an-toerana.
20 min: Antony Tsara Hampiasana ny Baiboly eny Amin’ny Fanompoana. Lahateny sy fiaraha-midinika amin’ny mpanatrika. Nahafantatra ny Soratra Masina i Jesosy, ary nanonona azy io matetika rehefa nampianatra. (Lioka 24:27, 44-47) Tsy avy aminy ny fampianarany. (Jaona 7:16-18) Tena ilaintsika koa ny mampiasa ny Tenin’Andriamanitra. Manan-kery kokoa noho izay mety holazaintsika izy io. (Jaona 12:49, 50; Heb. 4:12) Voasariky ny fampiononana sy ny fanantenana atolotry ny Soratra Masina ireo olona tso-po. Ataovy tanjona ny mamaky andinin-teny iray, fara fahakeliny, rehefa mitory ianao. Resaho fa misy andinin-teny nampidirina ao amin’ny fomba fanolorana gazety amin’ity volana ity. Anontanio ny mpanatrika ny amin’ny fomba nampiasan’izy ireo ny Baiboly teny amin’ny fanompoana sy ny vokatr’izany teo aminy sy teo amin’ireo nitoriany.
Herinandron’ny 22 Jolay
10 min: Fampandrenesana eo an-toerana. Fampisehoana: Ray na reny iray miara-miasa amin’ny zanany eny amin’ny fanompoana. Asehon’izy ireo ny fomba ampiasana ny fanoloran-kevitra ao amin’ny pejy 4, mba hanolorana Ny Tilikambo Fiambenana 15 Jolay. Ampirisiho ny ray aman-dreny mba hampiofana miandalana ny zanany eny amin’ny fanompoana.
17 min: “Ahoana no Fiheverantsika ny Fahadiovana?” Miorina amin’ny Tilikambo Fiambenana 1 Febroary 2002, pejy 3-7. Lahateny ataon’ny anti-panahy.
18 min: “Zava-dehibe ny Famakian-teny eo Amin’ny Fitoriantsika.” Lahateny sy fandraisana anjaran’ny mpanatrika. Resaho ireo soa raisina amin’ny famakian-teny. Lazao ny fandroson’ireo mpianatra raha misy kilasy famakian-teny sy manoratra eo anivon’ny fiangonana. Derao ireo mpianatra, ary asao izy ireo tsy hanapatapaka ilay fianarana.
Herinandron’ny 29 Jolay
10 min: Fampandrenesana eo an-toerana. Ampahatsiahivo ny mpitory mba hamerina ny tatitra momba ny fanompoana Jolay.
10 min: “Fandaharana Vaovaon’ny Fivoriamben’ny Faritra.” Lahateny. Lazao ny datin’ny fivoriamben’ny faritra manaraka. Ampirisiho ny rehetra mba ho tonga sy hihaino tsara ny fandaharana. Ampirisiho ny mpitory tsy vita batisa mba hieritreritra hameno fepetra ho amin’ny batisa. Manaova ezaka manokana mba hanasana ny mpianatra Baiboly.
25 min: “Aoka Ianareo ho Tafaray Tsara.”a Mampidira fanazavana avy ao amin’ny Tilikambo Fiambenana 15 Septambra 2001, pejy 9, rehefa mandinika ny fehintsoratra faha-3. Mampidira fanazavana avy ao amin’ny Tilikambo Fiambenana 1 Aprily 1995, pejy 16, 17, fehintsoratra faha-4-6, rehefa mandinika ny fehintsoratra faha-4.
Herinandron’ny 5 Aogositra
10 min: Fampandrenesana eo an-toerana. Vaovao Farany.
20 min: “Hamafiso ny Fatokisanao An’i Jehovah.” Lahateny mampahery sy mandrisika. Miorina amin’ny Tilikambo Fiambenana 1 Jona 2001, pejy 7-9.
15 min: Fitantarana eo an-toerana. Asao ny mpanatrika hilaza fitantarana mampahery mifandray amin’ny fanaovana ny asan’ny mpisava lalana mpanampy, na amin’ny fandraisana anjara amin’ny asa ara-panahy hafa.
[Fanamarihana ambany pejy]
a Fero tsy hihoatra ny iray minitra ny teny fampidirana, ary asio fiaraha-midinika amin’ny alalan’ny fanontaniana sy valiny avy eo.