Fandaharana Amin’ny Fivoriana Momba ny Fanompoana
Herinandron’ny 13 Oktobra
10 min: Fampandrenesana eo an-toerana sy Fampandrenesana nofantenana avy ato amin’ny Fanompoantsika Ilay Fanjakana. Ampirisiho ny rehetra hijery indray ny fandraisany an-tsoratra, mba hiomanana ho amin’ny fiaraha-midinika ny fandaharan’ny Fivoriamben’ny Vondrom-paritra “Omeo Voninahitra Andriamanitra”, amin’ny Fivoriana Momba ny Fanompoana amin’ny herinandro. Asaivo ampiasainy ny fanontaniana eo amin’ny pejy 1. Manaova fampisehoana roa, miorina amin’ny fanoloran-kevitra ao amin’ny pejy 8, mba hametrahana Ny Tilikambo Fiambenana 1 Oktobra sy Mifohaza! 8 Oktobra. Ataovy toy ny tena izy mihitsy izany. Na gazety iray ihany aza no resahina, dia atolory miaraka izy ireo, amin’ireo fampisehoana ireo. Asehoy ao amin’ny iray amin’ireo fampisehoana ireo ny fomba hanaovana fiverenana mitsidika amin’ny olona anaterana gazety tsy tapaka. Sariho ho amin’ilay efajoro hoe “Ao Amin’ny Nomerao Manaraka” ny sain’ilay olona, mba hahafahana hitsidika azy indray sy hitondra gazety vaovao any aminy.—Jereo Ny Fanompoantsika Ilay Fanjakana Oktobra 1998, p. 8, feh. 7, 8.
20 min: “Manompoa An’i Jehovah Amin’ny Fifaliana.”a (Tokony hitondra ny takelaka fanampiny amin’ny Fanompoantsika Ilay Fanjakana Janoary 2002 ny rehetra, amin’ity fiaraha-midinika ity.) Aorian’ny fehintsoratra 4, dia lazao fa hanolotra ny boky Mivavaha sy ny bokikely Lalan’ny Fiainana isika mandritra ny Novambra. Resaho vetivety ny iray amin’ireo fanoloran-kevitra ao amin’ny takelaka fanampiny amin’ny Fanompoantsika Ilay Fanjakana Janoary 2002, pejy 3 sy 6. Manaova fampisehoana iray ahitana mpitory mamerina io fanoloran-kevitra io, alohan’ny handehanany hitory. Ampirisiho ny rehetra hiomana tsara ho amin’ny fanompoana.
15 min: Mitondra Valisoa ny Fitarihana Fampianarana Baiboly. Lahateny sy fiaraha-midinika amin’ny mpanatrika. Milazà fitantarana vitsivitsy avy ao amin’ny boky sy gazetintsika momba ny fandrosoan’ireo olona ampianarina Baiboly. (wMG 1/3/00 p. 6; yb98-MG p. 55-60) Asao ny mpanatrika hilaza izay lesona raisintsika avy amin’ireo fitantarana ireo, sy ny soa azontsika rehefa mitarika fampianarana Baiboly.
Herinandron’ny 20 Oktobra
5 min: Fampandrenesana eo an-toerana.
40 min: “Mandrisika Antsika Hanome Voninahitra An’Andriamanitra ny Fivoriamben’ny Vondrom-paritra!” Ataon’ny anti-panahy. Aorian’ny teny fampidirana iray minitra na latsaka, dia diniho miaraka amin’ny mpanatrika ny fandaharan’ny fivoriamben’ny vondrom-paritra. Ny fanontaniana ao amin’ilay lahatsoratra ihany ampiasaina. Tsinjarao ny fotoana mba hahafahana hijery ny fanontaniana rehetra. Valiny iray ihany angamba dia ampy ho an’ny fanontaniana sasany. Tsy ho voavaky ao anatin’ny fotoana nomena daholo ny andinin-teny voatonona rehetra; napetraka tao fotsiny izy ireo mba hanamora ny fahitana ny valiny. Tokony hisongadina ao anatin’ny valin-teny ny soa azo avy amin’ny fampiharana izay nianarana.
Herinandron’ny 27 Oktobra
12 min: Fampandrenesana eo an-toerana. Tatitra momba ny kaonty. Ampahatsiahivo ny mpitory mba hamerina ny tatitra momba ny fanompoana Oktobra. Ampirisiho ny rehetra hijery indray ny fandraisany an-tsoratra tamin’ny fivoriambe manokana iray andro natao tamin’ny taom-panompoana lasa, mba hiomanana ho amin’ny Fivoriana Momba ny Fanompoana amin’ny herinandro. Manaova fampisehoana roa, miorina amin’ny fanoloran-kevitra ao amin’ny pejy 8, mba hametrahana Ny Tilikambo Fiambenana 15 Oktobra sy Mifohaza! 8 Oktobra. Na gazety iray ihany aza no resahina, dia atolory miaraka izy ireo, amin’ireo fampisehoana ireo. Asehoy ao amin’ny iray amin’ireo fampisehoana ireo ny fomba hamaliana ny hoe “Tsy mahaliana ahy izany.”—Jereo ny boky Fanjohian-kevitra, pejy 15, 16.
20 min: Ampiasao ny Sabatry ny Fanahy. (Efes. 6:17) Fiaraha-midinika amin’ny mpanatrika miorina amin’ny boky Sekolin’ny Fanompoana, pejy 143, 144. Asao ny mpanatrika hamaly ireto fanontaniana ireto: 1) Nahoana isika no mampiasa Baiboly rehefa mamaly fanontaniana? 2) Milaza inona momba antsika ny anarana hoe Vavolombelon’i Jehovah? 3) Inona no ohatra navelan’i Jesosy, ary ahoana no anahafantsika azy? 4) Inona avy ireo fomba mandaitra sasany hiresahana hevitra ara-baiboly, eo amin’ny faritany eo an-toerana? 5) Nahoana no tsara raha ny Baiboly mihitsy no vakina isaky ny afaka manao izany? 6) Ahoana no azon’ny anti-panahy ampirisihana ny hafa hampiasa tsara ny Baiboly? Manasà mpitory mahay hanao fampisehoana voaomana tsara iray miorina amin’ilay fanazaran-tena ao amin’ny pejy 144. Mampiasa andinin-teny iray izy, fara fahakeliny, mba hamaliana ilay fanontaniana. Ampirisiho ny rehetra mba hampiasa Baiboly isaky ny mitory.
13 min: Fitantarana. Asao ny mpanatrika hitantara ny zavatra hitany rehefa nanatrika ny fivoriamben’ny vondrom-paritra na nitory tsy ara-potoana tany am-piasana, tany an-tsekoly, na tany an-toeran-kafa.
Herinandron’ny 3 Novambra
5 min: Fampandrenesana eo an-toerana.
15 min: Zavatra ilaina eo an-toerana.
25 min: Aoka Ianao Hanankarena Amin’ny Asa Tsara. (1 Tim. 6:18) Anti-panahy iray miara-midinika amin’ny mpanatrika momba ny fandaharan’ny fivoriambe manokana iray andro, natao tamin’ny taom-panompoana lasa. Ny fanontaniana nomena eto ihany no ampiasainy. Asao ny fiangonana hitantara ny fomba nahafahany nampihatra izay nianarany. (Azo tendrena mialoha ny olona hamaly ny fanontaniana sasany.) Asongadino ireto anjara ireto: 1) “Misy Tombony Lehibe ny Asa Tsara.” (Mpit. 2:11) Nahoana ny mpanompon’Andriamanitra no manao ny asa tsara voalaza ao amin’ny Tenin’Andriamanitra, fa tsy ny asa maty eto amin’ity tontolo ity? 2) “Aoka Ianao Hanankarena Ara-panahy.” (Matio 6:20) Ahoana no ‘nanangonan’ny sasany harena any an-danitra’, ary inona ny soa azony? 3) “Mitadiava Fampianarana Baiboly mba Hanatsarana ny Fanompoanao.” (om-MG p. 91) Inona no hanampy antsika hanomboka sy hitarika fampianarana Baiboly? 4) “Asa Tsara Amin’izao Fotoam-pijinjana Izao.” (Matio 13:37-39) Inona ny asa tsara nataon’ny Kristianina voalohany azontsika tahafina, ary ahoana no nitaran’ny asan’ilay Fanjakana amin’izao androntsika izao? 5) “Aoka Hanome Voninahitra An’i Jehovah ny Asa Tsara Ataonao.” (Matio 5:14-16) Inona no nataon’ny sasany mba ‘hampamirapiratra ny fahazavany’? 6) “Deraina ny Tanora Manao Asa Tsara ho Voninahitr’i Jehovah.” (Sal. 148:12, 13) Ahoana no ideran’ny tanora kristianina ato amin’ny faritra misy antsika an’i Jehovah? 7) “Tohizo ny Asa Tsara dia Hotahin’i Jehovah Ianao.” (Ohab. 10:22) Fitahiana inona no azontsika isam-batan’olona, ny fianakaviana, ny fiangonana, ary ny fandaminana eto an-tany, raha revo amin’ny asa tsara hatrany isika?
[Fanamarihana ambany pejy]
a Fero tsy hihoatra ny iray minitra ny teny fampidirana, ary asio fiaraha-midinika amin’ny mpanatrika avy eo.