Fampandrenesana

◼ Zavatra atolotra amin’ny Febroary: Manatòna An’i Jehovah. Martsa: Miambena Hatrany! Manolora boky Mivavaha Amin’ilay Hany Andriamanitra Marina raha tena liana ilay olona. Miezaha hanomboka fampianarana Baiboly. Aprily sy Mey: 1) Ny Tilikambo Fiambenana sy Mifohaza! 2) Ataovy izay hizarana ny boky Fahalalana rehetra ao amin’ny tahirin’ny fiangonana. Rehefa miverina mitsidika ny olona liana ianao, dia tsidiho koa ireo nanatrika ny Fahatsiarovana sy ny fivoriana hafa, nefa mbola tsy tena miaraka amin’ny fiangonana. Miezaha hametraka ny boky Mivavaha. Ataovy tanjona ny hanomboka fampianarana Baiboly, indrindra fa amin’ireo olona efa nianatra tamin’ny boky Fahalalana, bokikely Takina sy Lalan’ny Fiainana.

◼ Tokony hanamarina ny kaontin’ny fiangonana ny mpiandraikitra mpitantan-draharaha na izay tendreny, amin’ny 1 Martsa na haingana araka izay azo atao aorian’io. Anaovy fampandrenesana ho an’ny fiangonana ilay izy rehefa vita, aorian’ny famakiana ny tatitra momba ny kaonty manaraka.

◼ Tokony hojeren’ny mpitan-tsoratra sy ny mpiandraikitra ny fanompoana indray ny asan’ny mpisava lalana maharitra rehetra. Raha misy amin’izy ireo sahirana manatratra ny ora takina, dia tokony hanampy azy ny anti-panahy. Jereo indray ny taratasy S-201, fandefan’ny sampana isan-taona, raha mila fanoloran-kevitra ianareo.

◼ Izao no foto-kevitry ny lahateny manokana amin’ny vanim-potoanan’ny Fahatsiarovana: “Nahoana i Jesosy no Nijaly sy Maty?” Jereo ilay fampandrenesana mifandray amin’io lahateny io, ao amin’ny Fanompoantsika Ilay Fanjakana Septambra 2004.

◼ Tokony hanatrika ny Fivoriana ho An’ny Besinimaro daholo ny rehetra, amin’ny alahady 20 Martsa mba handre ny fampandrenesana manokana momba ny fandaharana hatao ho an’ny mpitory.

◼ Tsy mikarakara ny fanafarana boky alefan’ny mpitory isam-batan’olona ny biraon’ny sampana. Tokony hanao fampandrenesana isam-bolana ny mpiandraikitra mpitantan-draharaha, alohan’ny handefasan’ny fiangonana ny fanafarany boky isam-bolana atỳ amin’ny biraon’ny sampana. Afaka manatona ilay rahalahy mpikarakara ny boky amin’izay ireo rehetra te hanafatra boky. Tadidio hoe boky inona avy no anisan’ireo zavatra hafarana manokana.