Famerenana Amin’ny Sekolin’ny Fanompoana
Hodinihina am-bava amin’ny Sekolin’ny Fanompoana ireto fanontaniana ireto, ny herinandron’ny 28 Febroary 2005. Hanao famerenana maharitra antsasak’adiny ny mpiandraikitra ny sekoly. Miorina amin’ny fanazavana tao amin’ireo anjara nanomboka ny herinandron’ny 3 Janoary ka hatramin’ny 28 Febroary 2005 izy io. [Fanamarihana: Mila manao fikarohana ianao mba hahitana ny valiny, raha tsy misy loharanon-kevitra eo aorian’ilay fanontaniana.—Jereo ny Sekolin’ny Fanompoana, p. 36, 37.]
ZAVATRA TANDREMANA
1. Inona no azontsika atao mba ho mora azo kokoa ny lahatenintsika? [be p. 226 feh. 1–p. 227 feh. 1]
2. Inona no teny mety hilana fanazavana fanampiny? [be p. 227 feh. 2–p. 228 feh. 1]
3. Ahoana no ahafahantsika mampiana-javatra ny mpihaino? [be p. 231 feh. 1-3]
4. Inona no azo atao mba hanampiana ny mpihaino hiana-javatra avy amin’ny andinin-teny efa fantany? [be p. 231 feh. 4-5]
5. Inona no mety ho vokany, raha asongadintsika ny tsipiriany momba ny tantara ara-baiboly fantatry ny mpihaino tsara? [be p. 232 feh. 2-4]
ANJARA No. 1
6. Inona avy no tafiditra amin’ny fampianarana ny olona mba ‘hatahotra an’Andriamanitra sy hitandrina ny didiny’? (Mpit. 12:13) [be p. 272 feh. 3–p. 273 feh. 1]
7. Ahoana no hisarihantsika ny sain’ny olona ho amin’ny toetran’Andriamanitra, fa tsy ho amin’ny anarany fotsiny? (Joela 2:32) [be p. 274 feh. 3-5]
8. Nahoana no zava-dehibe ny mahafantatra an’i Jesosy sy ny mitory momba azy? (Jaona 17:3) [be p. 276 feh. 1]
9. Nahoana no tsy maintsy mahafantatra tsara ny toerana tanan’i Jesosy isika, vao afaka mifandray tsara amin’Andriamanitra sy mahazo ny hevitr’izay lazain’ny Baiboly? [be p. 276 feh. 2]
10. Ahoana no ampisehoantsika fa tena mino isika hoe Mpanjaka i Jesosy Kristy? [be p. 277 feh. 4]
FAMAKIANA BAIBOLY ISAN-KERINANDRO
11. Mpanompo sampy ve i Tera, rain’i Abrahama? (Josoa 24:2)
12. Tsy ampy herim-po ve i Gideona mba hanatanterahana ny asa nasain’i Jehovah nataony? Hazavao. (Mpits. 6:25-27)
13. Inona no azontsika ianarana avy amin’ny fomba nitenenan’i Gideona tamin’ny fokon’i Efraima? (Mpits. 8:1-3)
14. Tsy tia nandray vahiny ny mponin’i Gibea. Inona no asehon’izany? (Mpits. 19:14, 15)
15. Zatra nanao izay noheveriny fa marina ny Isiraelita. Nahatonga korontana ve izany? (Mpits. 21:25)