Famerenana Amin’ny Sekolin’ny Fanompoana
Hodinihina am-bava amin’ny Sekolin’ny Fanompoana ireto fanontaniana ireto, ny herinandron’ny 26 Desambra 2005. Hanao famerenana maharitra antsasak’adiny ny mpiandraikitra ny sekoly. Miorina amin’ny fanazavana tao amin’ireo anjara nanomboka ny herinandron’ny 7 Novambra ka hatramin’ny 26 Desambra 2005 izy io. [Fanamarihana: Mila manao fikarohana ianao mba hahitana ny valiny, raha tsy misy loharanon-kevitra eo aorian’ilay fanontaniana.—Jereo ny Sekolin’ny Fanompoana, p. 36, 37.]
ZAVATRA TANDREMANA
1. Inona no tokony hataontsika mba ho azo antoka fa “noho ny fitiavana” no anomezantsika fananarana? (Filem. 9) [be p. 266]
2. Ahoana no ‘handrisihantsika ny hafa amin’ny fampianarana mahasoa’? (Tit. 1:9) [be p. 267, feh. 1-2]
3. Nahoana no tokony hampahery ny lahateny ataontsika, ary ahoana no hanaovana izany? [be p. 268, feh. 1-3, efajoro]
4. Nampahatsiahy ny vahoaka ny zavatra nataon’i Jehovah ho azy ireo i Mosesy. Nahoana no hampahery ny hafa koa isika raha manao toy izany? (Deot. 3:28; 31:1-8) [be p. 268, feh. 5–p. 269, feh. 2]
5. Nahoana isika no hampahery ny mpihaino antsika, rehefa faly miresaka momba ny zavatra ataon’i Jehovah ankehitriny sy amin’ny hoavy? [be p. 270-271]
ANJARA No. 1
6. Inona moa ny Septante na Fandikan-teny Grikan’ny Fitopolo, ary nahoana izy io no mahaliana ny Kristianina? [si p. 307-310, feh. 12-14]
7. Iza moa ireo Masoreta, ary inona no anjara lehibe noraisiny teo amin’ny fandikana ny Baiboly? [si p. 310, feh. 18; p. 311, feh. 20-21]
8. Baiboly hebreo inona no nampiasaina rehefa nadika ny Soratra Hebreo ao amin’ny Fandikan-tenin’ny Tontolo Vaovao, amin’ny teny anglisy? Ary nahoana no tena azo itokisana io fandikan-teny io? [si p. 312, feh. 28, 30]
9. Inona no mampiseho fa tena naniry mafy hitory ny Tenin’Andriamanitra ny Kristianina voalohany? [si p. 315, feh. 1-5]
10. Inona no voaporofo rehefa ampitahaina ny Baiboly sy ireo sora-tanana fahiny? [si p. 320, feh. 32]
FAMAKIANA BAIBOLY ISAN-KERINANDRO
11. Nahoana i Jehovah no nanenina, rehefa avy naniraka anjely handringana an’i Jerosalema? (1 Tant. 21:13-15)
12. Nahoana i Davida no nanao fanomezana be dia be, mba hanaovana ny tempoly? (1 Tant. 29:3-5, 14-16)
13. Nahoana no sarin’omby no nampiasaina mba hametrahana ilay tavin-drano an-idina? (2 Tant. 4:2-4)
14. Inona no dikan’ny hoe “fanekena nasian-tsira”? (2 Tant. 13:5)
15. Niandany tamin’iza ny fokon’i Simeona, rehefa nizara roa ny fanjakan’ny Israely? (2 Tant. 15:9; 34:6)